Skin Care: శీతాకాలంలో మెరిసిపోవాలని ఉందా.. గ్లిజరిన్ యాంటీ ఏజింగ్ ఫేస్ ప్యాక్‌ ట్రై చేయండి..

గ్లిజరిన్, గుడ్డు,తేనె ప్యాక్ ప్రయోజనాలు:

గ్లిజరిన్ చర్మంపై మాయిశ్చరైజర్‌గా పనిచేస్తుంది. ఇది చర్మం లోపలి పొర నుంచి పై పొర వరకు తేమను ఆకర్షిస్తుంది. చర్మాన్ని తేమగా ఉంచుతుంది. ఇది సున్నితమైన చర్మంపై కూడా ఉపయోగించవచ్చు. ఇది ముఖంలోని ముడతలను తొలగించి చర్మానికి మెరుపునిస్తుంది. గుడ్లను చర్మంపై ఉపయోగించడం వల్ల చర్మం ముడతలు తొలగిపోయి చర్మం మెరిసిపోతుంది.

గుడ్డు బ్లాక్ హెడ్స్, చిన్న చిన్న మచ్చలు, వృద్ధాప్య సంకేతాలు, ముఖం పిగ్మెంటేషన్‌ను తొలగించడంలో ప్రభావవంతంగా ఉంటుంది. చర్మంపై యాంటీ బ్యాక్టీరియల్ గుణాలు పుష్కలంగా ఉన్న తేనెను ఉపయోగించడం వల్ల చర్మంలోని దుమ్ము, హానికరమైన బ్యాక్టీరియా తొలగిపోతుంది. తేనె ఉపయోగం ముఖ మొటిమలను తొలగించడంలో చాలా ప్రభావవంతంగా ఉంటుంది.

గ్లిజరిన్, గుడ్డు,తేనె ప్యాక్ ఎలా తయారు చేయాలి:  

ఒక టీస్పూన్ గ్లిజరిన్, ఒక గుడ్డు, ఒక టీస్పూన్ తేనె తీసుకోండి. ప్యాక్ చేయడానికి.. గుడ్డులోని తెల్లసొనను ఒక గిన్నెలోకి తీసుకొని బాగా కొట్టండి. ఈ గుడ్డులో ఒక టీస్పూన్ గ్లిజరిన్, ఒక టీస్పూన్ తేనె వేసి బాగా కలపాలి. సిద్ధం చేసుకున్న పేస్ట్‌ను ముఖానికి పట్టించి 10-15 నిమిషాల పాటు ముఖంపై ఉంచాలి. ప్యాక్ ఆరిపోయాక గోరువెచ్చని నీటితో ముఖాన్ని కడుక్కోవాలి. చలికాలంలో ఈ ప్యాక్ వేసుకోవడం వల్ల చర్మం ముడతలు పోయి చర్మం రంగు మెరుగుపడుతుంది.

(నోట్‌: ఇందులోని అంశాలు కేవలం అవగాహన కోసం మాత్రమే. ఆరోగ్య నిపుణుల సలహాల మేరకు అందించడం జరుగుతుంది. ఏదైనా సందేహాలు ఉంటే వైద్య నిపుణులను సంప్రదించండి.)

మరిన్ని హెల్త్ న్యూస్ కోసం