Dehydration: మీరూ నీళ్లు తక్కువగా తాగుతుంటారా? అయితే త్వరలోనే మీ కిడ్నీలు మటాష్‌..

వేసవిలో డీహైడ్రేషన్ సర్వసాధారణం. ప్రతిరోజూ బిజీ షెడ్యూల్‌ ఉండే వారికి కానీసం నీళ్లు తాగడానికి కూడా సమయం ఉండదు. ఈ రకమైన బిజీ షెడ్యూల్, ఎయిర్ కండిషనింగ్‌ వాతావరణంలో పనిచేసే వారు త్వరగా నిర్జలీకరణానికి దారితీయవచ్చు. ఒక్కోసారి పనిలో మునిగిపోయి ఆహారం, నీటి గురించి మర్చిపోతారు. అందుకే చాలామంది నీళ్లు త్రాగడాన్ని నిర్లక్ష్యం చేస్తుంటారు. ఇది క్రమంగా శరీర నిర్జలీకరణానికి దారితీస్తుంది. ఈ అలవాటు ఆరోగ్యాన్ని, ముఖ్యంగా మూత్రపిండాల ఆరోగ్యాన్ని తీవ్రంగా ప్రభావితం చేస్తుంది. కాబట్టి మీ శరీరం డీహైడ్రేట్ అయిందో లేదో ఎలా తెలుస్తుకోవాలి? నిర్జలీకరణాన్ని నివారించడానికి ఏమి చేయాలో? ఇక్కడ నిపుణుల మాటల్లో తెలుసుకుందాం..

వేసవిలో సాధారణంగా వచ్చే సమస్య డీహైడ్రేషన్. ఇది మూత్రపిండాల ఆరోగ్యానికి గణనీయమైన ప్రమాదాన్ని కలిగిస్తుంది. ఇది మలబద్ధకం, తలనొప్పి, ఏకాగ్రత లేకపోవడం, నీరసం, అలసట, చర్మం ముడతలు పెరగడం, వృద్ధాప్యం వంటి వివిధ శారీరక సమస్యలకు దారితీస్తుంది. శరీరంలో నీటి శాతం తక్కువగా ఉన్నప్పుడు శరీరం సాధారణంగా ఒక సంకేతాన్ని ఇస్తుంది. వీటిని విస్మరించకూడదు. మూత్ర విసర్జన ఫ్రీక్వెన్సీ, మూత్రం రంగు ద్వారా సాధారణంగా డీహైడ్రేషన్‌ను గుర్తించవచ్చు. తక్కువ నీరు త్రాగేవారిలో, మూత్ర స్థాయి చాలా తక్కువగా ఉంటుంది. మూత్రం రంగు కూడా పసుపు వర్ణంలోకి మారుతుంది.

డీహైడ్రేషన్ వల్ల కలిగే సమస్యలు ఇవే..

తరచుగా శరీరం నిర్జలీకరణానికి గురైతే నిశ్శబ్దంగా మూత్రపిండాలను దెబ్బతీస్తుంది. ఇది మూత్ర నాళాల ఇన్ఫెక్షన్ల ప్రమాదాన్ని కూడా పెంచుతుంది. అలాగే నీటి శాతం తక్కువగా ఉన్నప్పుడు, మూత్రపిండాలు ఓవర్ టైం పనిచేస్తాయి. దీనివల్ల మలినాలు, మూత్రపిండాల్లో రాళ్లు ఏర్పడే ప్రమాదం పెరుగుతుంది. ఇది రక్త సరఫరాను కూడా తగ్గిస్తుంది. ఇది చివరికి దీర్ఘకాలిక మూత్రపిండ వ్యాధి (CKD)కి దారితీస్తుంది.

ఇవి కూడా చదవండి

ఇంటర్‌ విద్యార్ధులకు బిగ్‌ అప్‌డేట్‌.. ఫలితాల విడుదల ఎప్పుడంటే?

7 అడుగుల గొయ్యి తీసి.. యోగా టీచర్‌ను సజీవంగా పాతిపెట్టాడు..!

మీర్‌పేట హత్య కేసులో కీలక మలుపు.. గురుమూర్తి పాపం పండినట్లే!

నిర్జలీకరణాన్ని ఎలా నివారించాలి?

• ప్రతిరోజూ కనీసం ఎనిమిది పెద్ద గ్లాసుల నీరు త్రాగాలి.
• దాహం వేయకపోయినా నీళ్లు తాగడం.
• హైడ్రేటెడ్ పండ్లు, కూరగాయలు తినాలి.
• చక్కెర పానీయాలను పరిమితంగా తీసుకోవాలి.
• టీ, కాఫీ, కార్బోనేటేడ్ పానీయాలు, ప్యాక్ చేసిన పండ్ల రసాల వినియోగాన్ని తగ్గించాలి.
• ఏసీలో కూర్చునే వారు రోజుకు 6-8 గ్లాసుల నీరు త్రాగడం మంచిది.

గమనిక: ఈ కంటెంట్ సాధారణ సమాచారాన్ని మాత్రమే అందిస్తుంది. మరింత సమాచారం కోసం వైద్యుడిని సంప్రదించడం మంచిది.

మరిన్ని ఆరోగ్య వార్తల కోసం క్లిక్‌ చేయండి.