9వ అంతస్తుపై బిల్డింగ్ పైనుంచి పడి..లేచి సాదాసీదాగా వెళ్లిపోయింది

భూమి మీద గడ్డిగింజలు ఉండాలిగానీ, ఆ యముడు దిగివచ్చినా ప్రాణం తియ్యలేడు. మన పెద్దలు చెప్పే మాట. ఇప్పుడు జరిగిన ఓ ఇన్సిడెంట్ ‌గమనిస్తే.. ఆ మాటలు నిజమేనేమో అనిపిస్తోంది. రష్యాలోని ఒక టవర్ బ్లాక్ నుండి మహిళ 9వ అంతస్థు నుంచి కింద పడింది. ఆ తర్వాత ఓ నిమిషం అనంతరం లేచి సాదాసీదాగా నడిచుకుంటూ వెళ్లిపోయింది. ఆమె పడిన ఎత్తు ఇంచుమించు 90 అడుగులు ఉంటుంది. ఈ ఇన్సిడెంట్ వీడియో ఫుటేజ్ ఇప్పుడు నెటిజన్లను ఆశ్చర్యచకితులను చేస్తుంది. 

వివరాల్లోకి వెళ్తే..రష్యాలోని ఇజ్లుచిన్స్క్ పట్టణంలోని ఒక అపార్ట్మెంట్ బ్లాక్  తొమ్మిదవ అంతస్తు కిటికీలోంచి, 27 ఏళ్ల మహిళ కిందపడింది. ఆమె కిందకిపడేలోపు ట్రావెల్ పలుసార్లు గాల్లో గిర్రన తిరిగింది. అయితే మంచు కుప్పలో పడటం వల్ల..సదరు మహిళకు చిన్న గాయం కూడా కాలేదు. అయితే, ది సన్ పత్రిక కథనం ప్రకారం, అక్కడినుంచి లేచి వెళ్లిన మహిళ తరువాత తన పొరుగువారిని సంప్రదించి అంబులెన్స్‌కు కాల్ చేయమని కోరింది. ఆమె ప్రస్తుతం పశ్చిమ సైబీరియాలోని చమురు సంపన్న ఖాంటీ-మాన్సీ ప్రాంతంలోని ఆసుపత్రిలో ఇంటెన్సివ్ కేర్‌లో చికిత్స తీసుకుంటుంది. అదరడం వల్ల బాడీలోని నరాలు కొంచెం మెల్ట్ అయ్యాయని డాక్టర్లు వెల్లడించారు. కానీ అంత ఎత్తు నుంచి పడ్డాక కూడా ఆమెకు ఒక్క ఎముక కూడా విరగకపోవడం వైద్యుల్ని ఆశ్యర్యానికి గురిచేసింది. ఆమె పడిపోయిన రోజు అక్కడి ఉష్ణోగ్రత మైనస్ 14 సి. దాని కారణంగా కురిసిన మంచే ఆమె ప్రాణాలను కాపాడింది. అయితే సదరు మహిళ సూసైడ్ చేసుకోవడానికి ప్రయత్నించిందా..? ప్రమాదవశాత్తు పడిపోయిందా లేక ఎవరైనా తొసివేశారా అన్నది తెలియాల్సి ఉంది. 

Быстрый спуск с 9го этажа на первый через окно и ни одного перелома. Женщина приземлилась в сугроб, отряхнулась и пошла по своим делам. Сейчас правда она в реанимации с ушибами внутренних органов pic.twitter.com/9dPFjUYFQp

— Лента.ру (@lentaruofficial) January 24, 2020