టీడీపీని తిప్పికొట్టిన ప్రజలకు సలాం.. విజయసాయిరెడ్డి

అధికారం అంటే దోచుకోవడం, దాచుకోవడమేనని టీడీపీ వాళ్లు అనుకున్నారని వైసీపీ ఎంపీ విజయసాయిరెడ్డి విమర్శించారు. అందుకే ప్రజలు వారిని తరిమి కొట్టారని ట్విట్టర్ వేదికగా టీడీపీపై విమర్శలు గుప్పించారు. టీడీపీని ప్రజలు తిప్పికొట్టడాన్ని మనం పవిత్ర బాధ్యతగా భావించాలని.. ప్రజలిచ్చిన అఖండ మెజారిటీ వారికి సేవ చేసేందుకు మాత్రమే అని అర్థం చేసుకోవాలని వైసీపీ శ్రేణులకు పిలుపునిచ్చారు.

తానేం చేసినా అడ్డుకోరాదనే చంద్రబాబు ఒక ఉద్యమమే చేశారని… ఏకంగా రాష్ట్రంలో అడుగుపెట్టకుండా సీబీఐని బ్యాన్ చేశారని అన్నారు. ఐటీ దాడులు అడ్డుకున్నారని.. ఈడీ ఎలా వస్తుందని గతంలో టీడీపీ అధినేత ప్రశ్నించారని గుర్తు చేశారు. అయితే తమ నేత జగన్ మాత్రం.. సీబీఐని రాష్ట్రంలోకి అనుమతిస్తూ ఆదేశాలు జారీచేశారని విజయసాయిరెడ్డి ట్వీట్ చేశారు.

అధికారం అంటే దోచుకోవడం, దాచుకోవడమేనని పచ్చ పార్టీ వాళ్లు అనుకున్నారు. అందుకే ప్రజలు వారిని తరిమి కొట్టారు. మనం మాత్రం దీన్నొక పవిత్ర బాధ్యతగా భావించాలి. ప్రజలిచ్చిన అఖండ మెజారిటీ వారికి సేవ చేసేందుకు మాత్రమే అని అర్థం చేసుకోవాలి. జగన్ గారి ఆశయాలకు అనుగుణంగా పనిచేయాలి.

— Vijayasai Reddy V (@VSReddy_MP) June 3, 2019

తానేం చేసినా అడ్డుకోరాదని చంద్రబాబు ఒక ఉద్యమమే చేశారు. సీబీఐని బ్యాన్ చేశారు. ఐటీ దాడులను అడ్డుకున్నారు. ఈడీ ఎలా వస్తుందని గుడ్లురిమారు. సీబీఐని రాష్ట్రంలోకి అనుమతిస్తూ జగన్ గారు ఆదేశాలు జారీ చేశారు. దొంగలను రక్షించేది లేదని తేల్చిచెప్పారు. చూస్తున్నారా చంద్రబాబూ?

— Vijayasai Reddy V (@VSReddy_MP) June 3, 2019