కాలనాగుల విషం.. పాముకాటు బాధితులకు వరం
కాలనాగు సర్పాల కాట్లకు ఎంతోమంది బలవుతున్నారు. వీటి విషం శరీరాల్లోకి ఎక్కిన వెంటనే క్షణాల్లో మృత్యుముఖం పడుతున్నారు. అయితే వెంటనే యాంటీ వీనమ్ ఇంజెక్షన్, ఇతర మందులను ఇఛ్చిన పక్షంలో బాధితులను ప్రాణాపాయం నుంచి కాపాడవచ్చునని అంటున్నారు. ఉదాహరణకు బ్రెజిల్ లో కేవలం ఒక్క గత ఏడాదిలోనే 29 వేలమంది పాము కాటుకు గురయ్యారని అంచనా. అధికారిక సమాచారం ప్రకారం వందమంది ప్రాణాలు కోల్పోయారని తెలుస్తోంది. ఈ నేపథ్యంలో యాంటీ వీనమ్ తయారీ లో నిపుణురాలైన ఫాబియోలా […]
Updated on: Dec 10, 2019 | 1:10 PM
కాలనాగు సర్పాల కాట్లకు ఎంతోమంది బలవుతున్నారు. వీటి విషం శరీరాల్లోకి ఎక్కిన వెంటనే క్షణాల్లో మృత్యుముఖం పడుతున్నారు. అయితే వెంటనే యాంటీ వీనమ్ ఇంజెక్షన్, ఇతర మందులను ఇఛ్చిన పక్షంలో బాధితులను ప్రాణాపాయం నుంచి కాపాడవచ్చునని అంటున్నారు. ఉదాహరణకు బ్రెజిల్ లో కేవలం ఒక్క గత ఏడాదిలోనే 29 వేలమంది పాము కాటుకు గురయ్యారని అంచనా. అధికారిక సమాచారం ప్రకారం వందమంది ప్రాణాలు కోల్పోయారని తెలుస్తోంది. ఈ నేపథ్యంలో యాంటీ వీనమ్ తయారీ లో నిపుణురాలైన ఫాబియోలా డిసౌజా అనే నిపుణురాలు సావో పాలో లోని ఓ ఇన్స్ టిట్యూట్లో వందలాది పాముల విషాన్నితీసి సీసాల్లో భద్రపరుస్తున్నారు. అత్యంత విషనాగులనుంచి కూడా పాయిజన్ తీయడంలో ఆమె ఎంతో నైపుణ్యం సాధించారు. ఒక పామును 27 డిగ్రీల సెల్సియస్ ఉష్ణోగ్రత గల గది లో.. ఓ స్టెయిన్ లెస్ స్టీల్ బెంచ్ పై ఉంచి అతి లాఘవంగా.. కార్బన్ డై ఆక్సైడ్ తో కూడిన బాటిల్ లోకి విషాన్ని తీస్తున్నామని, ఈ వాయువు కారణంగా సర్పం నిద్రలోకి జారుకుంటుందని ఆమె చెప్పారు. పాము విషం కక్కిన అనంతరం దాని బరువును, పొడవును రికార్డు చేసి అనంతరం దాన్ని ఓ కంటెయినర్ లో ఉంచుతామన్నారు. ఇక్కడితో ‘ కథ ‘ అయిపోలేదు. పాము విషాన్ని కొద్దీ మోతాదులో గుర్రాలకు ఎక్కిస్తారట. ఆ తరువాత ఈ యాంటీ వీనమ్ ఇంజెక్షన్లను వాటికి ఇస్తారని, వాటికి ప్రాణాపాయం లేదని నిర్ధారించుకున్న అనంతరం వైద్య పరీక్షల్లో వాడుతామని ఆమె చెప్పారు. కొన్ని ఇతర మందులతో కలిపి దీన్నిఆస్పత్రులకు సరఫరా చేస్తారు. కాగా- నెలకు ఒక్కసారి మాత్రమే పాము విషాన్ని తీయడం ఈ పరిశోధనల్లో ఓ ప్రత్యేకత.
