ట్రంప్ అభిశంసన ప్రక్రియకు సన్నాహాలు మొదలు, అయిదుగురు రిపబ్లికన్ల మద్దతు కూడా.. ఉపాధ్యక్షుని ఓటు డొనాల్డ్ కేనా

అమెరికా అధ్యక్షుడు డొనాల్డ్ ట్రంప్ అభిశంసనకు రంగం సిధ్ధమైంది. కనీసం అయిదుగురు రిపబ్లికన్లు కూడా ఈ అభిశంసనకు..

Umakanth Rao | Edited By: Pardhasaradhi Peri

Updated on: Jan 13, 2021 | 1:35 PM

అమెరికా అధ్యక్షుడు డొనాల్డ్ ట్రంప్ అభిశంసనకు రంగం సిధ్ధమైంది. కనీసం అయిదుగురు రిపబ్లికన్లు కూడా ఈ అభిశంసనకు మద్దతునిస్తున్నారు. ఇటీవల క్యాపిటల్ హిల్ లో జరిగిన అల్లర్లకు ట్రంప్ బాధ్యుడని, ఆయనను పదవి నుంచి తొలగించాలని వారు కోరుతున్నారు. అభిశంసన తీర్మానం నెగ్గిన పక్షంలో ట్రంప్ ఇక గద్దె దిగాల్సి వస్తుంది. ఆయన ఇక కేవలం, 8 రోజులు మాత్రమే పదవిలో కొనసాగే అవకాశం ఉంది. సెనేట్ లో రిపబ్లికన్లు, ప్రతినిధుల సభలో డెమొక్రాట్లు అధిక సంఖ్యలో ఉన్నారు. ట్రంప్ ని తొలగించడానికి ఉద్దేశించిన 25 వ సవరణను ప్రతిపాదించేందుకు ఉపాధ్యక్షుడు మైక్ పెన్స్ నిరాకరించిన నేపథ్యంలో ఇక డెమొక్రాట్లు ఇంపీచ్ మెంట్ ఓటింగ్ కి సమాయత్తమయ్యారు. ఇందుకు హౌస్ ఓ తీర్మానాన్ని ఆమోదించింది. అయితే ట్రంప్ మాత్రం నిబ్బరంగా ఉన్నారు.

ఆయనను అభిశంసించి తీరాల్సిందేనని స్పీకర్ నాన్సీ పెలోసీ పట్టుబడుతున్నారు. కాగా ఈ అభిశంశన ప్రక్రియలో రిపబ్లికన్లలో చీలిక తలెత్తింది. పలువురు వ్యతిరేకిస్తుండగా మరి కొంతమంది ఆయనను అభిశంసించాల్సిందే అంటున్నారు.