హెల్త్: మీరు రోజులో ఎక్కువగా కాఫీ తాగుతున్నారా ?.. అయితే ఈ అనర్థాలను తెలుసుకోండి..

రోజు ఉదయం లేవగానే చాలా మంది కాఫీ తాగడం అలవాటే అన్న విషయం తెలిసిందే. అయితే చాలా మంది రోజులో ఒక్కసారి కాకుండా చాలా సార్లు కాఫీ తాగకుండా ఉండలేరు. అయితే కాఫీలో ఉండే కెఫైన్ ఆరోగ్యానికి హానికరం అనే విషయం తెలిసిందే. కానీ అదేం పట్టించుకోకుండా కాఫీ తాగడం మాత్రం మానరు. అయితే ఈ కాఫీ తాగడం వల్ల కలిగే నష్టాలెంటే తెలుసుకుందాం.

రోజులో రెండు సార్లు కంటే ఎక్కువగా కాఫీ తాగడం వల్ల అనేక అనర్థాలు జరుగుతాయట. కాఫీని ఒక లిమిట్ వరకు తాగే వారిలో గుండె సంబంధిత ఆరోగ్యాన్ని మెరుగుపరచడంలో ఇది సహయపడుతుందట. కానీ రెండు సార్లు మించి తాగే వారిలో బద్దకం బాగా పెరుగుతుందని ఓ పరిశోధనలో వెల్లడైంది. ముఖ్యంగా పునరుత్పత్తి వ్యవస్థపై ఇది ప్రభావం చూపిస్తుందట. అంతేకాకుండా కార్టిసాన్ అనే హార్మోన్ ను పెంచి ఒత్తిడిని అధికం చేస్తుంది. కాఫీలో ఉండే కెఫైన్ ఒక్కొక్కరికి ఒక్కోలా పనిచేస్తుంది. కొంత మంది రెండు సార్లు తాగినా ఇబ్బందులు కలుగుతాయని, విటమిన్ బీ లెవెల్స్ తగ్గించి వ్యాదులు రావడానికి కారణమవుతుందట. అంతేకాకుండా శరీరానికి కావాల్సినంత మెగ్నీషియం అందదని, మహిళలల్లో జరిగే రుతుక్రమంలో ఇబ్బందులు ఎదురవుతాయట. అందుకే ఒక మోతాదుకు మించి కాఫీ తాగకూడదు అని నిపుణులు హెచ్చరిస్తున్నారు.