జీఎస్టీ కింద అరెస్టు అధికారాలను పరిశీలిస్తాం: సుప్రీం కోర్టు
వస్తుసేవల పన్ను చట్టం కింద అరెస్టు అధికారాల పరిశీలనకు సుప్రీం కోర్టు అంగీకరించింది. దీనిపై మంగళవారం ప్రధాన న్యాయమూర్తి జస్టిస్ రంజన్ గొగొయ్ నేతృత్వంలో ఏర్పాటైన ధర్మాసనం విచారణ చేపట్టింది. ఈ విషయంపై దాఖలైన పిటిషన్లపై వివరణ ఇవ్వాలని కేంద్రానికి కోర్టు నోటీసులు జారీ చేసింది. జీఎస్టీ ఎగవేత పేరిట నమోదైన కేసుల్లో ముందస్తు బెయిల్ మంజూరు చేయడంపై వివిధ హైకోర్టులు భిన్న అభిప్రాయాల్ని వ్యక్తం చేయడాన్ని కోర్టు ఈ సందర్భంగా ప్రస్తావించింది. ఈ నేపథ్యంలో అరెస్టుపై […]
Updated on: May 29, 2019 | 8:50 PM
వస్తుసేవల పన్ను చట్టం కింద అరెస్టు అధికారాల పరిశీలనకు సుప్రీం కోర్టు అంగీకరించింది. దీనిపై మంగళవారం ప్రధాన న్యాయమూర్తి జస్టిస్ రంజన్ గొగొయ్ నేతృత్వంలో ఏర్పాటైన ధర్మాసనం విచారణ చేపట్టింది. ఈ విషయంపై దాఖలైన పిటిషన్లపై వివరణ ఇవ్వాలని కేంద్రానికి కోర్టు నోటీసులు జారీ చేసింది. జీఎస్టీ ఎగవేత పేరిట నమోదైన కేసుల్లో ముందస్తు బెయిల్ మంజూరు చేయడంపై వివిధ హైకోర్టులు భిన్న అభిప్రాయాల్ని వ్యక్తం చేయడాన్ని కోర్టు ఈ సందర్భంగా ప్రస్తావించింది. ఈ నేపథ్యంలో అరెస్టుపై చట్టంలోని నిబంధనలు ఏం చెబుతున్నాయో సమీక్షించాల్సిన అవసరం ఉందని అభిప్రాయపడింది.
అలాగే జీఎస్టీ చట్టం కింద అరెస్టైన వారికి ముందస్తు బెయిల్ ముంజూరు చేసేముందు ఇటీవల తెలంగాణ హైకోర్టు తీర్పును తాము సమర్థించిన విషయాన్ని దృష్టిలో పెట్టుకోవాలని సుప్రీం కోర్టు కోరింది. జీఎస్టీ చట్టం ప్రకారం అరెస్టులు చేయవచ్చని దేశ సర్వోన్నత న్యాయం స్థానం సోమవారం తీర్పునిచ్చిన విషయం తెలిసిందే. దీంతో జీఎస్టీ ఎగవేసిన వారిని అరెస్టు చేయవచ్చంటూ ఇటీవల తెలంగాణ హైకోర్టు ఇచ్చిన తీర్పును సమర్థించింది. నకిలీ ఇన్వాయిస్లతో రూ.కోట్లు కొల్లగొట్టిన కేసులో అరెస్టయిన ఇన్ఫినిటీ మెటల్స్ ప్రొడక్ట్(ఐ) లిమిటెడ్కు చెందిన రమణారెడ్డి.. హైకోర్టు తీర్పును సవాలు చేస్తూ దాఖలు చేసిన స్పెషల్ లీవ్ పిటిషన్ను సోమవారం సుప్రీం కోర్టు కొట్టివేసింది.
