సమ్మర్ ఎఫెక్ట్.. కాసులు కురిపించనున్న ఆ స్టాక్స్.. కొన్నారో ధనవంతులు అవ్వడం పక్కా
భారతదేశంలో వేసవి కాలం ప్రారంభమవుతుండడంతో స్టాక్ మార్కెట్లో కూలింగ్ స్టాక్స్ పై పెట్టుబడిదారుల దృష్టి పెరుగుతోంది. ప్రతి సంవత్సరం వేసవి సీజన్ మొదలయ్యే సరికి ఎయిర్ కండిషనర్లు, ఫ్రిజ్లు, కూలర్లు, పానీయాలు, ఐస్క్రీమ్లకు భారీ డిమాండ్ ఏర్పడుతుంది. దీంతో ఈ ఉత్పత్తులను తయారు చేసే కంపెనీల షేర్లు మార్కెట్లో మంచి ప్రదర్శన చూపే అవకాశం ఉందని మార్కెట్ నిపుణులు చెబుతున్నారు. స్టాక్ మార్కెట్లో పెట్టుబడిదారులు ఈ ట్రెండ్ను ముందుగానే గుర్తించి, సంబంధిత రంగాల షేర్లపై దృష్టి సారిస్తున్నారు. అలాంటి షేర్ల వివరాలేంటో ఇక్కడ చూద్దాం..
Updated on: Mar 07, 2026 | 9:08 AM
2026లో భారతదేశంలో వేసవి కాలం సాధారణం కంటే ముందుగానే ప్రారంభమైంది. మార్చి మొదటి ఐదు రోజుల్లో సగటు కనిష్ట ఉష్ణోగ్రత 16 డిగ్రీల సెల్సియస్ అని అంతర్జాతీయ IMD చెబుతోంది. 2023 తర్వాత ఈ కాలానికి ఇదే అత్యధికం. మార్చి నుంచి జూన్ వరకు భారతదేశంలో అధిక ఉష్ణోగ్రతలు నమోదవుతాయి. ఈ సమయంలో ప్రజలు ఎక్కువగా కూలింగ్ పరికరాలను కొనుగోలు చేస్తారు. అందువల్ల ఎయిర్ కండిషనర్లు, ఫ్యాన్లు, రిఫ్రిజిరేటర్లు తయారు చేసే కంపెనీలకు అమ్మకాలు గణనీయంగా పెరుగుతాయి. ఈ పెరుగుదల కంపెనీల ఆదాయాలపై కూడా సానుకూల ప్రభావం చూపుతుంది. ఈ క్రమంలోనే కన్స్యూమర్ డ్యూరబుల్స్, విద్యుత్ రంగాలకు సంబంధించిన అనేక కంపెనీల షేర్లపై పెట్టుబడిదారులు దృష్టి సారించారు. ముఖ్యంగా వినియోగ వస్తువుల రంగం (FMCG), ఎలక్ట్రానిక్ ఉపకరణాల తయారీ సంస్థలు, కోల్డ్ బేవరేజ్ కంపెనీల స్టాక్స్కు వేసవి కాలంలో మంచి డిమాండ్ ఉంటుంది. స్టాక్ మార్కెట్లో పెట్టుబడిదారులు ఈ ట్రెండ్ను ముందుగానే గుర్తించి, సంబంధిత రంగాల షేర్లపై దృష్టి సారిస్తున్నారు.
Voltas Ltd (వోల్టాస్ లిమిటెడ్):
ఈ టాటా గ్రూప్ కంపెనీ భారతదేశంలోని ఇళ్లలో ఉపయోగించే ఎయిర్ కండిషనర్ విభాగంలో మొదటి వరుసలో నిలుస్తుంది. ఈ కంపెనీ ఎయిర్ కూలర్లు, వాణిజ్య శీతలీకరణ వ్యవస్థలను కూడా తయారు చేస్తుంది. ఈ వేసవిలో ఎయిర్ కండిషనర్లకు పెరిగిన డిమాండ్ నుండి కంపెనీ అత్యధిక లాభాలను గడించే అవకాశం ఉంది. శుక్రవారం కంపెనీ షేర్లు 0.36శాతం తగ్గి రూ.1,479.90 వద్ద ముగిశాయి.
Blue Star Ltd (బ్లూ స్టార్ లిమిటెడ్):
ఈ కంపెనీ గృహ అవసరాలకు వినియోగించే ACలు, అలాగే సెంట్రల్ ఎయిర్ కండిషనింగ్, వాణిజ్య శీతలీకరణ అవసరాలలో ప్రత్యేకత కలిగి ఉంది. ఇది పెద్ద ఎత్తున ప్రాజెక్టులు, దేశీయ AC మార్కెట్లలో ఎక్కువ ప్రజాదరణ పొందింది. శుక్రవారం కంపెనీ స్టాక్ 0.44శాతం పెరిగి రూ.1,955.20 వద్ద ముగిసింది.
Symphony Ltd (సింఫనీ లిమిటెడ్):
ఈ కంపెనీ ఎయిర్ కూలర్ విభాగంలో ప్రపంచ అగ్రగామిగా పరిగణించబడుతుంది. పెరుగుతున్న ఉష్ణోగ్రతలు, విద్యుత్తును ఆదా చేయాల్సిన అవసరం కారణంగా ఎయిర్ కూలర్లకు పెరుగుతున్న డిమాండ్ నుండి కంపెనీ ప్రయోజనం పొందవచ్చు. కంపెనీ మొత్తం ఆదాయంలో దాదాపు 97శాతం ఎయిర్ కూలర్ అమ్మకాల నుండి వస్తుంది. శుక్రవారం, కంపెనీ స్టాక్ 0.18శాతం పెరిగి రూ.761 వద్ద ముగిసింది.
Havells India (హావెల్స్ ఇండియా):
హావెల్స్ ఇండియా కంపెనీ లాయిడ్ బ్రాండ్ను కలిగి ఉంది. ఎయిర్ కండిషనర్లు, ఫ్యాన్లు, ఇతర గృహోపకరణాల తయారీలో వినియోగదారులను ఎక్కువగా ఆకర్షిస్తోంది. వేసవి కాలంలో ఈ ఉత్పత్తులకు పెరిగిన డిమాండ్ దాని వ్యాపారాన్ని పెంచుతుంది. కంపెనీ ఫ్యాన్లు, మాడ్యులర్ స్విచ్లు, వైరింగ్ ఉపకరణాలు, వాటర్ హీటర్లు, పవర్ కెపాసిటర్లను తయారు చేస్తుంది. శుక్రవారం, కంపెనీ షేర్లు 0.11 శాతం తగ్గి రూ.1,351 వద్ద ముగిశాయి.
Amber Enterprises (అంబర్ ఎంటర్ప్రైజెస్):
ఈ కంపెనీ ప్రముఖ కాంట్రాక్ట్ తయారీదారు (OEM/ODM). ఇది అనేక ప్రధాన బ్రాండ్లకు AC యూనిట్లు, విడిభాగాలను ఉత్పత్తి చేస్తుంది. పెరిగిన AC అమ్మకాల నుండి కంపెనీ పరోక్షంగా ప్రయోజనం పొందుతుంది. భారతదేశంలోని రూమ్ ఎయిర్ కండిషనర్ (RAC) మార్కెట్లో ఈ కంపెనీ కూడా ప్రధాన పోటీ దారు. దీని మార్కెట్ వాటా సుమారు 26-27శాతం. శుక్రవారం, కంపెనీ స్టాక్ 0.63శాతం పెరిగి రూ. 7,875 వద్ద
Whirlpool (వాల్పూల్):
ఇది రిఫ్రిజిరేటర్ మార్కెట్లో ప్రధాన పాత్ర పోషిస్తుంది. వేసవిలో, వినియోగదారులు మెరుగైన శీతలీకరణ, నిల్వ కోసం కొత్త రిఫ్రిజిరేటర్లను కొనుగోలు చేస్తారు. ఇది కంపెనీ అమ్మకాలను పెంచుతుంది. శుక్రవారం కంపెనీ షేర్లు 1.52శాతం తగ్గి రూ. 895 వద్ద ముగిశాయి.
మరిన్ని బిజినెస్ వార్తల కోసం ఇక్కడ క్లిక్ చేయండి..
