‘వన్ నేషన్ వన్ హెల్త్ కార్డ్’.. నేడే మోదీ కీలక ప్రకటన..!

One Nation One Health Card: 74వ స్వాతంత్ర్య దినోత్సవం సందర్భంగా ప్రధాని నరేంద్ర మోదీ మరో సంచలన పధకానికి శ్రీకారం చుట్టనున్నట్లు తెలుస్తోంది. దేశంలో ప్రతి ఒక్కరికి ఆధార్ సంఖ్య మాదిరిగా ఆరోగ్య గుర్తింపు సంఖ్యను కేటాయించేందుకు కేంద్ర ప్రభుత్వం రంగం సిద్దం చేసింది. ఈ క్రమంలోనే నేడు ‘వన్ నేషన్ వన్ హెల్త్ కార్డు’ స్కీంను ప్రకటించే అవకాశముంది. ఈ స్కీం కింద ప్రతి ఒక్కరికి సంబంధించిన ఆరోగ్య సమాచారం, వైద్య చికిత్సలు, పరీక్షలు, మెడికల్ హిస్టరీ రికార్డులన్నీ కూడా డిజిటల్ ఫార్మటులో హెల్త్ కార్డులో పొందుపరుస్తారు.

సరిగ్గా ఆధార్ కార్డు లాగానే ఈ హెల్త్ కార్డును కూడా రూపొందించే అవకాశం ఉందని తెలుస్తోంది. కార్డు కావాలని అనుకున్నవారికి యునిక్ ఐడీ జారీ చేయనున్నారు. దశల వారీగా ఈ పధకాన్ని అమలు చేయనుండగా.. కేంద్రం మొదటి దశలో భాగంగా రూ. 500 కోట్లు బడ్జెట్ కేటాయించనుంది. కాగా, ఈ హెల్త్ కార్డు వల్ల భారతదేశంలో ఏ డాక్టర్ దగ్గరకు వెళ్ళినా.. వారు పేషెంట్ పూర్తి మెడికల్ డీటెయిల్స్ ను యునిక్ ఐడీ ద్వారా చూడగలుగుతారు.