Jan Nicol Loftie: ఇదేం బాదుడు భయ్యా! 33 బంతుల్లోనే సెంచరీ.. 11 ఫోర్లు, 8 సిక్స్‌లతో ఊచకోత.. వీడియో చూశారా?

నమీబియా ఆటగాడు జాన్ నికోల్ లోఫ్టీ టీ20 క్రికెట్‌లో సరికొత్త చరిత్ర సృష్టించాడు. కేవలం 33 బంతుల్లోనే మెరుపు సెంచరీ చేసి అంతర్జాతీయ టీ20 క్రికెట్‌లో ఫాస్టెస్ట్ సెంచరీ చేసిన ఆటగాడిగా రికార్డు నెలకొల్పాడు. ఆతిథ్య నేపాల్‌తో కీర్తిపూర్‌ వేదికగా జరిగిన టీ20 మ్యాచ్‌లో ఈ రికార్డును అందుకున్నాడు. అంతకుముందు ఈ ప్రపంచ రికార్డు నేపాల్ జట్టుకు చెందిన కుషాల మల్లా పేరిట ఉంది. ఆసియా క్రీడల మ్యాచ్‌లో మంగోలియాపై కుశాల్ కేవలం 34 బంతుల్లోనే సెంచరీ చేశాడు. నేపాల్‌తో జరిగిన మ్యాచ్‌లో జాన్ నికోల్ లాఫ్టీ నేపాల్ ఆటగాడి పేరిట ఉన్న ప్రపంచ రికార్డును బద్దలు కొట్టడం విశేషం. కేవలం 33 బంతుల్లోనే సెంచరీ పూర్తి చేయడం ద్వారా టీ20 క్రికెట్‌లో అత్యంత వేగవంతమైన సెంచరీ సాధించిన ప్లేయర్ గా జాన్ నిలిచాడు. 11వ ఓవర్ లో క్రీజులోకి వచ్చిన నికోల్ లాఫ్టీ శివాలెత్తాడు. . మైదానం అంతా సిక్స్‌లు, ఫోర్ల వర్షం కురిపించాడు. నేపాల్ బౌలర్లను చీల్చి చెండాడుతూ కేవలం 33 బంతుల్లోనే అద్భుత సెంచరీ సాధించి సరికొత్త చరిత్రను లిఖించాడు.

ఓవరాల్ గా 36 బంతులు ఎదుర్కొన్న నికోల్ లాఫ్టీ 8 భారీ సిక్సర్లు, 11 ఫోర్లతో 101 పరుగులు చేసి అవుటయ్యాడు. జాన్ మెరుపు సెంచరీ కారణంగా నమీబియా జట్టు నిర్ణీత 20 ఓవర్లలో 4 వికెట్ల నష్టానికి 206 పరుగులు చేసింది. 207 పరుగుల కఠినమైన లక్ష్యాన్ని ఛేదించిన నేపాల్ జట్టు 18.5 ఓవర్లలో 186 పరుగులకే ఆలౌటైంది. దీంతో తొలి టీ20లో నమీబియా 20 పరుగుల తేడాతో విజయం సాధించింది.

జాన్ మెరుపు సెంచరీ.. వీడియో ఇదుగో..

Namibia’s Loftie Eaton creates the record for the fastest Men’s T20I Hundred in just 33 balls! . .#nepvsnam #worldrecord #FanCode pic.twitter.com/g8jYa4HI5N

— FanCode (@FanCode) February 27, 2024

ఐసీసీ ట్వీట్ ..

A record-smashing century from Namibia’s Jan Nicol Loftie-Eaton 💥

Read on ➡️ https://t.co/DElbDlLlU2 pic.twitter.com/kMcCgTF25Y

— ICC (@ICC) February 27, 2024

గతంలో టీ20 ల్లో మెరుపు సెంచరీలు సాధించిన ప్లేయర్లు వీరే..

Jan Nicol Loftie Eaton breaks the fastest T20I century record, achieving it in just 33 balls!

And this feat was accomplished in front of Kushal Malla, who previously achieved it in 34 balls. pic.twitter.com/ezGYtwDHwv

— CricTracker (@Cricketracker) February 27, 2024

మరిన్ని క్రీడా వార్తల కోసం ఇక్కడ క్లిక్ చేయండి..