PM Modi: నేడు ఎనిమిది ప్రత్యేక రైళ్లకు పచ్చజెండా ఊపనున్న ప్రధాని మోదీ… దేశంలోని పలు ప్రాంతాల నుంచి..

Modi Flag Off Eight Trains: దేశంలోని పలు ప్రాంతాల నుంచి గుజరాత్‌కు ప్రధాని నరేంద్ర మోది ఎనిమిది ప్రత్యేక రైళ్లను ప్రారంభించనున్నారు. దేశంలోని పలు రాష్ట్రాలపై నుంచి వెళ్లే ఈ రైళ్లు గుజరాత్‌లోని..

Narender Vaitla |
Updated on: Jan 17, 2021 | 5:47 AM

Modi Flag Off Eight Trains: దేశంలోని పలు ప్రాంతాల నుంచి గుజరాత్‌కు ప్రధాని నరేంద్ర మోది ఎనిమిది ప్రత్యేక రైళ్లను ప్రారంభించనున్నారు. దేశంలోని పలు రాష్ట్రాలపై నుంచి వెళ్లే ఈ రైళ్లు గుజరాత్‌లోని కెవడియా రైల్వే స్టేషన్‌కు చేరుకోనున్నాయి. కేవడియాలోని పటేల్‌ ఐక్యతా విగ్రహాన్ని పర్యటకంగా అభివృద్ధి చేసే క్రమంలో ఈ నిర్ణయం తీసుకున్నారు. ఈ క్రమంలోనే మోదీ నేడు (ఆదివారం) ఉదయం 11 గంటలకు వీడియో కాన్ఫరెన్స్‌ ద్వారా ఈ రైళ్లకు పచ్చజెండా ఊపనున్నారు. ఈ సందర్భంగా ప్రధాని ఈ కొత్త రైళ్లతో పాటు మరికొన్ని రైల్వే సంబంధిత ప్రాజెక్టులకు శంకుస్థాపన చేయనున్నారు. ఈ కార్యక్రమంలో ప్రధాని మోదీతో పాటు గుజరాత్‌ ముఖ్యమంత్రి, కేంద్ర రైల్వేశాఖ మంత్రి పాల్గొననున్నారు.