మోమోస్ రుచి మరిగి.. తల్లి బంగారు నగలు ఇచ్చేసిన బాలుడు

Share

ఏడో తరగతి చదువుతున్న ఆ బాలుడికి మోమోస్ అంటే చాలా ఇష్టం. ప్రతిరోజూ స్కూల్‌ కెళ్లేముందు దారిలో ఉన్న ఓ షాపులో అప్పుడప్పుడూ మోమోస్ తిని వెళ్లేవాడు. పిల్లాడికి మోమోస్ అంటే ఉన్న ఇష్టాన్ని గమనించిన మోమోస్ షాపులోని వ్యక్తులు ఓ పెద్ద స్కెచ్ వేశారు. ఇంట్లోని నగలు తెచ్చి తనకు ఇస్తే.. తిన్నన్ని మోమోస్ ఇస్తానంటూ చెప్పేవారు. అది విన్న బాలుడు ఏ మాత్రం ఆలోచించకుండా.. ఇంట్లోని బీరువాలో ఉన్న నగల్లో నుంచి ఎవరికీ తెలియకుండా.. రోజుకొకటి తెచ్చి షాపులోని వాళ్లకి ఇచ్చి.. పొట్టనిండా మోమోస్ తిని వచ్చేశాడు. ఇలా ఏకంగా రూ.85 లక్షల విలువ గల గోల్డ్ నగలను బాలుడు వ్యాపారికి ఇచ్చాడు.