ఇవన్నీ పనిలేని సమావేశాలే: ఎమ్మెల్యే జగ్గారెడ్డి

తెలంగాణలో కాంగ్రెస్ పార్టీ పరిస్థితి నానాటికీ తీసికట్టుగా తయారవుతుందని అందరికీ తెలిసిందే. తాజాగా కాంగ్రెస్ ఎమ్మెల్యే జగ్గారెడ్డి కూడా పార్టీపై తీవ్రస్ధాయిలో మండిపడ్డారు. నాగార్జున సాగర్‌లో జరిగిన కాంగ్రెస్ పార్టీ రాష్ట్ర కార్యవర్గ సమావేశంలో తన చేతిలోని మైక్ విసిరికొట్టారు. రాష్ట్రంలో త్వరలో జరగబోయే మున్సిపల్ ఎన్నికలకు సంబంధించి ఇంచార్జీల నియామకాలను జగ్గారెడ్డి తీవ్రంగా వ్యతిరేకించారు. ఇప్పటికే ఉన్నవారిని కాదని.. కొత్తవారిని ఎందుకు నియమించాలని నిలదీశారు.

ఎన్నికల్లో గెలవలేని కొంతమంది నేతలు నిర్ణయాలు తీసుకుంటారా అంటూ తనదైన శైలిలో మండిపడ్డారు జగ్గారెడ్డి. అదేసమయంలో తీవ్రమైన ఆవేశానికి లోనైన ఆయన తన చేతిలో ఉన్న మైక్‌ను విసిరికొట్టారు. ఇవన్నీ పనిలేని సమావేశాలని వ్యాఖ్యానిస్తూ.. రాష్ట్రంలో పార్టీని బలోపేతం చేసేందుకు ఆలోచించాలని నేతలకు హితవు పలికారు.