Pawan kalyan: పవన్ కళ్యాణ్ రీమేక్ సినిమా టైటిల్ ఇదేనా.? నెట్టింట వైరల్ అవుతోన్న కొత్త సినిమా టైటిల్.
Pawan kalyan New Movie: అజ్ఞాతవాసి తర్వాత సినిమాలకు బ్రేక్ ఇచ్చిన పవన్ మళ్లీ వెండి తెర ఎంట్రీ ఇచ్చి ఆయన అభిమానుల్లో జోష్ నింపారు. వకీల్సాబ్తో తనలోని స్టామినా ఏ మాత్రం తగ్గలేదని నిరూపించారు. దాదాపు రెండేళ్ల గ్యాప్ తర్వాత..
Updated on: Jul 03, 2021 | 1:32 PM
Pawan kalyan New Movie: అజ్ఞాతవాసి తర్వాత సినిమాలకు బ్రేక్ ఇచ్చిన పవన్ మళ్లీ వెండి తెర ఎంట్రీ ఇచ్చి ఆయన అభిమానుల్లో జోష్ నింపారు. వకీల్సాబ్తో తనలోని స్టామినా ఏ మాత్రం తగ్గలేదని నిరూపించారు. దాదాపు రెండేళ్ల గ్యాప్ తర్వాత వచ్చిన ఈ సినిమా బాక్సాఫీస్ వద్ద పవర్ స్టార్ రేంజ్ ఏంటో తెలిపింది. ఇక పవన్ అభిమానుల్లో అదే జోష్ను కొనసాగిస్తూ పవన్.. వరుస సినిమాలకు సైన్ చేస్తూ దూసుకుపోతున్నారు. ఇక పవన్ సినిమాకు సంబంధించిన ఏ చిన్న వార్త అయినా ఇప్పుడు వైరల్ అవుతోంది. ఈ క్రమంలోనే పవన్ కొత్త చిత్రం టైటిల్ ఇదేనంటూ ఓ వార్త నెట్టింట వైరల్ అవుతోంది. మలయాళంలో సూపర్ హిట్గా నిలిచిన అయ్యప్పనుమ్ కోషియమ్ సినిమా తెలుగు రీమేక్లో పవన్ నటిస్తోన్న విషయం తెలిసిందే. నిజానికి ఈ సినిమా షూటింగ్ ఇప్పటికే ప్రారంభమైనప్పటికీ కరోనా కారణంగా వాయిదా పడింది. సాగర్ చంద్ర ఈ సినిమాకు దర్శకత్వం వహిస్తోన్న విషయం తెలిసిందే. ఇక ఈ సినిమాకు మాటల మాంత్రికుడు త్రివిక్రమ్ మాటలు అందిస్తుండడంతో అంచనాలు భారీగా పెరిగాయి. ఇదిలా ఉంటే తాజాగా ఈ సినిమాకు సంబంధించిన ఓ వార్త ఇప్పుడు నెట్టింట వైరల్గా మారింది. సితార ఎంటర్టైన్మెంట్స్ బ్యానర్పై తెరకెక్కిస్తోన్న ఈ సినిమాకు ‘పరుశురామ కృష్ణమూర్తి’ అనే టైటిల్ను ఖరారు చేసినట్లు వార్తలు వస్తున్నాయి. మరి నెట్టింట చక్కర్లు కొడుతోన్న ఈ వార్తలో నిజం ఎంత ఉందో తెలియాలంటే అధకారిక ప్రకటన వచ్చే వరకు వేచి చూడాల్సిందే. ఈ సినిమాకు థమన్ సంగీతాన్ని అందిస్తోన్న విషయం తెలిసిందే.
Also Read: Kudi Yedamaithe : ‘ఆహా’ అనిపించేలా అమలాపాల్ వెబ్ సిరీస్.. ఆద్యంతం ఆసక్తికరంగా టీజర్
