టీవీ చానెళ్లకు కేంద్రం హెచ్చరిక…

గత కొన్నేళ్లుగా టీవీ చానెళ్లలో రియాల్టీ షోలు, డ్యాన్స్ షోలు ఎక్కువైపోయాయి. అందులో కొన్ని ప్రోగ్రామ్స్ శృతి మించి ఉంటున్నాయి. ముఖ్యంగా పిల్లలు పెద్దవాళ్లు చేసే డాన్సులను పొట్టి పొట్టి డ్రెస్సులతో అసభ్యంగా చూపిస్తున్న సంఘటనలు ఎక్కువయ్యాయి. అయితే కొన్ని షోలలో పిల్లలను చూపిస్తున్న విధానం పై విమర్శలు పెల్లుబికాయి.

పెద్దలు వేసే స్టెప్పులు పిల్లలతో చేయించే ఇలాంటి కార్యక్రమాల వల్ల పిల్లల‌ మానసిక ఎదుగుదలపై తీవ్ర ప్రభావం చూపిస్తాయని మానసిక నిపుణులు సూచిస్తున్నారు. ఈ నేపథ్యంలో టీవీ రియాల్టీ షోలలో పిల్లలను అనుచితంగా చూపించడంపై కేంద్ర సమాచార ప్రసార మంత్రిత్వ శాఖ టీవీ చానల్స్‌కు కొన్ని ప్రత్యేక‌ మార్గ దర్శకాలను జారీ చేసింది. కేబుల్ చట్టం ప్రకారం అన్ని ప్రైవేటు ఛానళ్లు ఈ నిబంధన ఖచ్చితంగా పాటించాలని ఆ ప్రకటనలో తెలిపింది. పిల్లల ప్రోగ్రాముల్లో ఎటువంటి హానికరమైన భాష కానీ, హింసాత్మకమైన సన్నివేశాలను చూపించరాదని పేర్కొంది. మొత్తానికి కేంద్రం తీసుకొచ్చిన ఈ మార్గదర్శకాలపై వివిధ బాలల హక్కుల సంఘం వాళ్లు హర్షం వ్యక్తం చేస్తున్నారు.