తప్పిపోయిన కుక్కను వెతికిపట్టుకున్న పోలీసులు..

కుక్క తప్పిపోయిందని ఫిర్యాదు చేసిన వ్యక్తికి కేవలం వారం రోజుల వ్యవధిలోనే దాన్ని తిరిగి యజమానికి అప్పగించారు పోలీసులు..ఈ సంఘటన..

తప్పిపోయిన కుక్కను వెతికిపట్టుకున్న పోలీసులు..
Jyothi Gadda

|

Mar 07, 2020 | 1:16 PM

మనుషులు తప్పిపోతే కనిపెట్టడం ఈ రోజుల్లో చాలా కష్టం. మిస్సింగ్ కేసు నమోదు చేసిన తర్వాత రోజులు గడిచినా కొన్ని సార్లు వారి ఆచూకీ లభించకపోవటంతో పోలీసులు ముప్పుతిప్పలు పడాల్సి వస్తుంది. కానీ, అక్కడి పోలీసులు..మాత్రం తమ కుక్క తప్పిపోయిందని ఫిర్యాదు చేసిన వ్యక్తికి కేవలం వారం రోజుల వ్యవధిలోనే దాన్ని తిరిగి యజమానికి అప్పగించారు. ఈ విచిత్ర సంఘటన హైదరాబాద్‌లో చోటుచేసుకుంది…

కుషాయగూడకు చెందిన ఒక వ్యక్తి తన పెంపుడు కుక్క కనిపించడంలేదని పోలీసులకు ఫిర్యాదు చేశాడు. తాము ఎంతో ఇష్టంగా పెంచుకుంటున్న పప్పి మిస్సై అయిందని..ఎలాగైన వెతికి పెట్టాల్సిందిగా పోలీసులను కోరాడు. కుక్కకు సంబంధించిన ఫోటోను కూడా పోలీసులకు ఇచ్చాడు. ఆ ఫోటో ఆధారంగా పోలీసులు గాలింపు చేపట్టారు. క్రైమ్ టీం సాయంతో వారంరోజుల పాటు గాలించిన పోలీసులు తప్పిపోయిన కుక్కపిల్లను పట్టుకున్నారు. దాని యజమానికి ఫోన్ చేసి కుక్కపిల్లను అప్పగించారు. దీంతో దాని యజమాని సంతోషం వ్యక్తం చేశాడు. ఎప్పుడూ కేసులతో బిజీగా ఉండే పోలీసులు తన కోసం కష్టపడిన కుక్కను తీసుకురావడంతో వారికి కృతజ్ఞతలు తెలిపాడు. దీంతో ఈ వార్త ఇప్పుడు సోషల్ మీడియాలో వైరల్‌గా మారటంతో నెటిజన్లు పలు రకాలుగా కామెంట్లు చేస్తున్నారు.

లేటెస్ట్ న్యూస్ హైలెట్స్ చూడండి

Follow us on

Related Stories

Most Read Stories

Click on your DTH Provider to Add TV9 Telugu