జనవరి ఫస్ట్ నుంచి అన్ని వాహనాలకు ఫాస్టాగ్ మస్ట్

దేశంలోని అన్ని నాలుగు చక్రాల వాహనాలకు ఫాస్ట్టాగ్ తప్పనిసరి చేస్తూ కేంద్ర ప్రభుత్వం ఆదేశాలు జారీ చేసింది. గతంలో మినహాయింపు పొందిన పాత వాహనాలు తప్పనిసరిగా ఫాస్ట్టాగ్ తీసుకోవాల్సిందేనని స్పష్టం చేసింది.

Updated on: Nov 08, 2020 | 4:14 PM

దేశంలోని అన్ని నాలుగు చక్రాల వాహనాలకు ఫాస్ట్టాగ్ తప్పనిసరి చేస్తూ కేంద్ర ప్రభుత్వం నోటిఫికేషన్ జారీ చేసింది. గతంలో మినహాయింపు పొందిన పాత వాహనాలు తప్పనిసరిగా ఫాస్ట్టాగ్ తీసుకోవాల్సిందేనని స్పష్టం చేసింది. ఈ మేరకు 1980 మోటారు వాహన చట్టంలో మార్పులు చేస్తూ..శనివారం ఉత్తర్వులు విడుదల చేసింది. 2021 జనవరి 1 నుంచి కొత్త నిబంధనలు అమల్లోకి రానున్నాయి. టోల్గేట్ల వద్ద ట్రాఫిక్ రద్దీని నియంత్రించాలనే ఆలోచనతో ఫాస్ట్టాగ్ వ్యవస్థను 2017 నుంచి అమలు చేస్తోంది కేంద్రం. ఈ క్రమంలో నాలుగు చక్రాల వాహనాలకు ఫాస్ట్టాగ్ తప్పనిసరి చేసింది. అయితే.. 2019 అక్టోబర్ నుంచి ద్వి, త్రిచక్ర వాహనాలతో పాటు పాత వాహనాలకు ఫాస్ట్టాగ్ నుంచి మినహాయింపు ఇచ్చింది. అయితే తాజా ఉత్తర్వులతో.. జనవరి ఫస్ట్ నుంచి అన్ని వాహనాలకు ఫాస్ట్టాగ్ తప్పనిసరిగా తీసుకోవాల్సిన అవసరం ఏర్పడింది. అలాగే ట్రాన్స్‌పోర్ట్ వెహికల్స్‌కు ఫిట్‌నెస్ సర్టిఫికెట్ రెన్యూవల్ చెయ్యాలంటే ఫాస్ట్టాగ్ తప్పనిసరి అని తాజా నిబంధనల్లో పొందుపరిచారు. అలాగే థర్డ్ పార్టీ ఇన్సూరెన్స్ తీసుకోవాలన్నా ఫాస్టాగ్ ఉండాలన్న నిబంధనను వచ్చే సంవత్సరం ఏప్రిల్ 1 నుంచి అమలు చేయనున్నారు.