“ఏపీలో మద్యం తాగితే వారంలో పక్షవాతమే”

స‌ర్కార్ మద్యం దుకాణాల్లో కల్తీ మద్యం విక్రయిస్తున్నారని మాజీ మంత్రి సోమిరెడ్డి చంద్రమోహన్ రెడ్డి ఆరోపించారు. ప్రజల ప్రాణాలంటే ప్ర‌భుత్వానికి లెక్క‌లేకుండా పోయింద‌ని ఆగ్రహం వ్యక్తం చేశారు. పిల్లలకు పాఠాలు చెప్పే టీచ‌ర్స్ ను మద్యం షాపుల వద్ద కాపలా పెడతారా? అని ప్రశ్నించారు. రాష్ట్రానికి మంచి చేస్తున్నామో? చెడు చేస్తున్నామో? ఆలోచించే లీడ‌ర్ ప్రభుత్వంలో లేకపోవటం దురదృష్టకరమన్నారు. డిస్టిలరీల్లో ఏ లిక్క‌ర్ తయారు చేస్తున్నారో సమాధానం చెప్పాలని డిమాండ్ చేశారు. స‌ర్కార్ మద్యం షాపుల్లో లభించే […]

  • Ram Naramaneni
  • Publish Date - 3:17 pm, Tue, 5 May 20
"ఏపీలో మద్యం తాగితే వారంలో పక్షవాతమే"

స‌ర్కార్ మద్యం దుకాణాల్లో కల్తీ మద్యం విక్రయిస్తున్నారని మాజీ మంత్రి సోమిరెడ్డి చంద్రమోహన్ రెడ్డి ఆరోపించారు. ప్రజల ప్రాణాలంటే ప్ర‌భుత్వానికి లెక్క‌లేకుండా పోయింద‌ని ఆగ్రహం వ్యక్తం చేశారు. పిల్లలకు పాఠాలు చెప్పే టీచ‌ర్స్ ను మద్యం షాపుల వద్ద కాపలా పెడతారా? అని ప్రశ్నించారు. రాష్ట్రానికి మంచి చేస్తున్నామో? చెడు చేస్తున్నామో? ఆలోచించే లీడ‌ర్ ప్రభుత్వంలో లేకపోవటం దురదృష్టకరమన్నారు. డిస్టిలరీల్లో ఏ లిక్క‌ర్ తయారు చేస్తున్నారో సమాధానం చెప్పాలని డిమాండ్ చేశారు.

స‌ర్కార్ మద్యం షాపుల్లో లభించే లిక్కర్ ను వారం రోజులు తాగితే పక్షవాతం వస్తుందని సోమిరెడ్డి ప్రజలను హెచ్చరించారు. ఎప్పుడూ వినని, చూడ‌ని బ్రాండ్లను ఎక్కడి నుంచి తీసుకొచ్చారో అర్థం కావట్లేదన్నారు. చెత్తమందు తయారు చేసే డిస్టిలరీలను ఎంక‌రేజ్ చెయ్య‌డ‌మే కాక.. రేట్లు పెంచటం మరింత దుర్మార్గ చర్య అని సోమిరెడ్డి విమర్శించారు. లాక్​డౌన్ ముగిసే వరకూ మద్యం షాపులు మూసే ఉంచాలని సోమిరెడ్డి డిమాండ్ చేశారు. తెలంగాణలో అమ్మే పాత బ్రాండ్లనే ఏపీలోనూ అమ్మాలని డిమాండ్ చేశారు. కేంద్ర ప్రభుత్వం దేశంలో అన్ని రాష్ట్రాలకు ప‌ర్మిష‌న్ ఇచ్చినా… పొరుగు రాష్ట్రాలేవీ మద్యం షాపులు తెరవలేదని గుర్తుచేశారు. భౌతికదూరంపై ప్రపంచ దేశాలు మొరపెట్టుకుంటుంటే..రాష్ట్రంలో కిలోమీటర్ల దూరం బారులు తీరేలా చేయటంతో పాటు రేట్లు పెంచి పేదల నుంచి కోట్ల డ‌బ్బు దండుకుంటున్నారని ఆరోపించారు. నిన్న మద్యం షాపులు తెరుచుకోవటం వల్ల సర్వేపల్లిలోనే ముగ్గురు చనిపోయారని చెప్పారు. ఎన్నికలు జరిగితే ఎంత మంది క్యూలో నిలబడేవారో మద్యం షాపుల‌ వద్ద అంతమంది క్యూకట్టారన్నారు.