వేణుమాధవ్ మరణంపై క్రికెటర్ యూసఫ్ పఠాన్ భావోద్వేగం!

వేణు మాధవ్..ఈ పేరు తెలుగు చిత్ర పరిశ్రమలో ఎప్పటికి నిలిచిపోతుంది. తనకు మాత్రమే సాధ్యమైన సవరేట్ టైమింగ్‌తో ఈ కమెడియన్ సినిమా ప్రేమికులకు మరిచిపోలేని నవ్వులను పంచాడు. ఇప్పుడు వేణు దూరమైనా ఆయన చేసిన పాత్రలు మాత్రం ప్రేక్షకుల మదిలో ఎప్పటికీ నిలిచిపోతాయనేది వాస్తవం. కాగా వేణు మ‌ృతితో తెలుగు సినీ పరిశ్రమ దిగ్బ్రాంతికి గురైంది. కేవలం తెలుగులోనే కాకుండా దక్షణాది భాషలన్నింలోనూ ఆయన సత్తా చాటారు. అటువంటి నటుడు ఇప్పుడు లేడన్నది ఎవరూ జీర్ణించుకోలేకపోతున్నారు.

దక్షిణాదికి చెందిన పలువురు అగ్ర తారలు, సెలబ్రిటీలు వేణు మాధవ్ మృతిపై సంతాపం ప్రకటించారు. కానీ ఊహించని విధంగా ఏస్ క్రికెటర్ యూసుఫ్ పఠాన్ తెలుగు కమెడియన్ మృతిపై స్పందించాడు.

‘వేణు మాధవ్ మరణం షాక్‌కు గురిచేసింది. నేను వెండితెరపై చూసిన భర్తిచేయలేని, గొప్ప నటుల్లో ఆయన ఒకరు. అతడి కుటుంబ సభ్యులకు, స్నేహితులకు నా ప్రగాడ సానుభూతి తెలియజేస్తున్నా’  అని యూసుఫ్ పఠాన్ ట్వీట్ చేశాడు.

Shocking to hear the demise of Venu Madhav. He was one of the irreplaceable and finest comedians I’ve seen on the silver screen. Deep condolences to his family and friends. pic.twitter.com/qxPl63WpwH

— Yusuf Pathan (@iamyusufpathan) September 26, 2019

ఇక యూసఫ్ ట్వీట్‌పై ఒక పాకిస్థానీ సినిమా అభిమాని వేసిన రీట్వీట్‌ను కూడా ఇక్కడ చర్చించాల్సిన అవసరం ఉంది.

వేణు మాధవ్ ఓ గొప్ప హాస్య నటుడని, నేను అతని సినిమాలు చాలా చూశానని, నేను, నా ఫ్రెండ్స్ ఇక్కడ తెలుగు, తమిళ సినిమాలనే ఎక్కువగా చూస్తామని, ఇష్టపడతామని చెప్పుకొచ్చాడు. బాలీవుడ్ సినిమాల కంటే వాళ్లు సినిమాలు బాగా తీస్తారని, కమిడియన్ల నటన కూడా చాలా బాగుంటుందని అభిప్రాయపడ్డారు.

He was a great comedian i have also watched his films in Pakistan.. I and my friends like Telegu and Tamil movies more than Bollywood movies bcz of these comedians and action.

— Ali Arsal (@AliArsa43041736) September 26, 2019

‘అతడు గొప్ప నటుడు..పాకిస్థాన్‌లో ఆయన చిత్రాలు చాలా చూశాను. నేను, నా ప్రెండ్స్ బాలీవుడ్ చిత్రాల కంటే తెలుగు, తమిళ సినిమాలను ఇష్టపడతాం. దానికి కారణం యాక్షన్ సన్నివేశాలు, కమెడియన్ల నటన’ అని  అలీ అర్సల్ అనే పాకిస్థాని సినిమా అభిమాని ట్వీట్ చేశాడు.

తెలుగు సినిమాలు, మన నటులు ప్రపంచ వ్యాప్తంగా ఎంత ఇంపాక్ట్ చూపిస్తున్నారు అనడానికి ఈ సందర్భం ఒక ఉదాహారణ. సినిమాకు ఎల్లలు ఇలాంటివి విన్నప్పుడు నిజమనిపిస్తుంది. తెలుగు చిత్రాలను తక్కువచేసి మాట్లాడేవారికి, ఇక్కడి నటులను హేళనగా చూసేవారికి ఈ సందర్భం నిజంగా చెంపపెట్టు.