Covishield Vaccine: కొవిషీల్డ్‌ వ్యాక్సిన్ తీసుకున్న ఇండియన్‌ స్టూడెంట్స్‌కు గుడ్‌ న్యూస్‌..
కొవిషీల్డ్‌ వ్యాక్సిన్ తీసుకున్న ఇండియన్‌ స్టూడెంట్స్‌కు గుడ్‌ న్యూస్‌ చెప్పాయి ఈయూ దేశాలు. ఇప్పటివరకు కొవిషీల్డ్‌ వేసుకున్నవారికి నో ఎంట్రీ అన్న ఈయూ.. తాజాగా...
కొవిషీల్డ్‌ వ్యాక్సిన్ తీసుకున్న ఇండియన్‌ స్టూడెంట్స్‌కు గుడ్‌ న్యూస్‌ చెప్పాయి ఈయూ దేశాలు. ఇప్పటివరకు కొవిషీల్డ్‌ వేసుకున్నవారికి నో ఎంట్రీ అన్న ఈయూ.. తాజాగా కొవిషీల్డ్‌కు గ్రీన్‌సిగ్నలిచ్చింది. కొవిషీల్డ్‌ వేసుకున్న వారికి తమ దేశంలోకి అనుమతినిస్తున్నట్లు ప్రకటించాయి ఈయూలోని 8 దేశాలు. స్విట్జర్లాండ్‌, జర్మనీ, ఆస్ట్రియా, స్లొవేనియా, గ్రీస్‌, ఐలాండ్‌, ఐర్లాండ్‌, స్పెయిన్‌ దేశాలు కొవిషీల్డ్‌కు ఓకే చెప్పాయి. ఐతే అంతకుముందు ఈయూ..కొవిషీల్డ్‌ను గ్రీన్‌ పాస్‌ లిస్ట్‌ నుంచి తొలగించడంపై కేంద్రం సీరియస్‌ అయింది. యూరోపియన్‌ యూనియన్‌కు స్ట్రాంగ్‌ వార్నింగ్ ఇచ్చింది. కొవిషీల్డ్‌కు అనుమతివ్వకుంటే..ఈయూ దేశాలు జారీ చేసే వ్యాక్సిన్ సర్టిఫికెట్లను తాము అంగీకరించేది లేదని తేల్చి చెప్పింది. ఈయూ నుంచి వచ్చే ప్రయాణికులు ఇండియాకు రాగానే తప్పనిసరి క్వారంటైన్ లోకి వెళ్లేలా నిబంధనలను సవరిస్తామని హెచ్చరించింది. కేంద్రం ఇచ్చిన వార్నింగ్‌కు తలొగ్గిన ఈయూ దేశాలు..కొవిషీల్డ్‌కు అనుమతినిస్తున్నట్లు ప్రకటించాయి.
ఇక కొవిషీల్డ్‌కు అనుమతి లేదన్న యూరోపియన్‌ యూనియన్‌ తీరుపై మండిపడ్డారు భారత మేథావులు. కోవిషీల్డ్‌కు గ్రీన్‌పాస్‌ లభించకపోవడం రేసిజం కిందకే వస్తుందని నెటిజన్లూ విమర్శలు కురిపించారు. యూరప్‌ దేశాల్లో ఆస్ట్రాజెనికా పేరుతో ఇస్తున్న ఈ టీకాను యూరోపియన్‌ యూనియన్‌ ఎందుకు గుర్తించడం లేదని ప్రశ్నించారు. దీంతో ఎట్టకేలకు దిగొచ్చిన ఈయూ..కొవిషీల్డ్‌ టీకాలకు పర్మిషనిచ్చింది.
Also Read: ‘రక్తం కావాలి’.. ఆంధ్రాలో తీవ్ర సమస్యగా బ్లడ్ షార్టేజ్
ఆర్టీసీ బస్సుకు కరెంట్ షాక్.. మహిళ మృతి.. స‌మ‌యానికి ఆ మేస్త్రీ దేవుడిలా వ‌చ్చాడు
