క‌రోనా టెస్ట్ నెగిటివ్ వచ్చినా..రోగి కళ్లె, మలంలో వైరస్​

క‌రోనాకు ఇంకా మెడిసిన్ కానీ వ్యాక్సిన్ కానీ క‌నుగొన‌లేదు. ఆ దిశ‌గా ప్ర‌య‌త్నాలు చేస్తోన్న ప్ర‌పంచ వైద్య నిపుణుల‌కు, శాస్త్ర‌వేత్త‌ల‌కు క‌రోనా(కోవిడ్-19) వైర‌స్ కొత్త స‌వాళ్ల‌ను విసురుతోంది. చైనాలో ఇటీవ‌ల వెలువ‌డిన ఓ షాకింగ్ న్యూస్ ..అంద‌రినీ క‌ల‌వ‌ర‌పెడుతోంది. ఇటీవ‌ల క‌రోనా నెగ‌టివ్ గా నిర్ధార‌ణ అయిన కొంద‌రి పేషెంట్స్ నుంచి సేక‌రించిన క‌ళ్లె, మ‌లం న‌మూనాల్లో మ‌హ‌మ్మారి కరోనా వైరస్​ను గుర్తించారు చైనా డాక్ట‌ర్లు. అన్నల్స్ ఆఫ్ ఇంటర్నల్ మెడిసిన్ జర్నల్​లో ఈ రీసెర్చ్ ప్రచురితమైంది.

కోవిడ్ ఎఫెక్ట్ అయిన వ్య‌క్తిని హాస్పిట‌ల్ నుంచి డిచ్చార్జ్ చేసేముందు..ఎక్కువ‌గా క‌ఫం ద్వారా టెస్టులు చేస్తారు. ఆ రిజ‌ల్ట్స్ బ‌ట్టి స‌ద‌రు వ్య‌క్తి క్వారంటైన్​లో ఉండాల్సింది..లేనిది డిసైడ్ చేస్తార‌ని చైనాలోని క్యాపిటల్​ మెడిక‌ల్ యూనివ‌ర్సిటి పరిశోధలుకు తెలిపారు.

వచ్చిన రిజ‌ల్ట్స్ సరైనవేనా.. లేక బాడీలోని ఇతర భాగాల నుంచి శాంపిల్స్ సేకరించాలా అనే విషయంపై పరిశోధకులు చర్చలు జరుపుతున్నారు. టెస్టుల్లో కోవిడ్ నెగిటివ్​గా తేలిన తర్వాత కూడా కొందరు రోగుల కళ్లెలో 39 రోజులు, మలంలో 13 రోజుల పాటు ఈ డేంజ‌ర‌స్ వైరస్​ ఉంటున్నట్లు గుర్తించారు. వ‌చ్చిన రిజ‌ల్ట్స్ ప్ర‌కారం..రోగి ద్వారా ఇతరుల‌కు వైర‌స్ వ్యాప్తి చెందుతుంద‌నే విష‌యంపై క్లారిటీ లేద‌ని వైద్యులు పేర్కొన్నారు. ఈ విష‌యంపై మ‌రింత అధ్య‌య‌నం అవ‌స‌ర‌మ‌ని వారు అభిప్రాయ‌ప‌డ‌తున్నారు.