Prashant Kishor: ఆ రెండు రాష్ట్రాల్లోనూ కాంగ్రెస్కు ఓడిపోతుంది.. సంచలన వ్యాఖ్యలు చేసిన పీకే..
ఈ ఏడాది చివర్లో బీజేపీ పాలిత రాష్ట్రాలు హిమాచల్ ప్రదేశ్, గుజరాత్లో జరగనున్న అసెంబ్లీ ఎన్నికల్లో పార్టీకి ఘోర ఓటమి తప్పదని అన్నారు పీకే. ఇటీవల నిర్వహించిన చింతన్ శిబిర్తోనే కాంగ్రెస్కు ఒరిగిందేమీ
Updated on: May 20, 2022 | 10:03 PM
రాజకీయ వ్యూహకర్త ప్రశాంత్ కిశోర్ మరోసారి కాంగ్రెస్ను టార్గెట్గా చేసుకున్నారు. ఈ ఏడాది చివర్లో బీజేపీ పాలిత రాష్ట్రాలు హిమాచల్ ప్రదేశ్, గుజరాత్లో జరగనున్న అసెంబ్లీ ఎన్నికల్లో పార్టీకి ఘోర ఓటమి తప్పదని అన్నారు. ఇటీవల నిర్వహించిన చింతన్ శిబిర్తోనే కాంగ్రెస్కు ఒరిగిందేమీ లేదన్నారు పీకే. ఉదయ్పుర్ చింతన్ శిబిర్ గురించి మాట్లాడాలని తను పదే పదే మీడియా ప్రతినిధులు అడుగుతున్నారు. తన అభిప్రాయంలో.. దీంతో పార్టీకి వచ్చిందేమీ లేదన్నారు. గుజరాత్, హిమాచల్ ప్రదేశ్లో జరగనున్న ఎన్నికల్లో కూడా ఓడిపోతుందని అన్నారు. కాంగ్రెస్ అధినాయకత్వానికి సమయం ఇవ్వడం, యథాతథ స్థితిని మరికొంత కాలం కొనసాగించడానికి తప్ప అర్థవంతమైన పరిష్కారాన్ని సాధించడంలో ఆ శిబిరం విఫలమైందన్నారు.
కాంగ్రెస్కు పీకే చేసిన స్టింగ్ ట్వీట్..
I’ve been repeatedly asked to comment on the outcome of #UdaipurChintanShivir
In my view, it failed to achieve anything meaningful other than prolonging the status-quo and giving some time to the #Congress leadership, at least till the impending electoral rout in Gujarat and HP!
— Prashant Kishor (@PrashantKishor) May 20, 2022
“ఉదయ్పూర్లో కాంగ్రెస్ చింతన్ శివిర్ సాధించిన విజయం గురించి నన్ను నిరంతరం ప్రశ్నిస్తున్నారు. నా దృష్టిలో, అది యథాతథ స్థితిని పొడిగించడం.. కాంగ్రెస్ నాయకత్వానికి కొంత సమయం ఇవ్వడం తప్ప విలువైనదేదీ సాధించలేకపోయింది. కనీసం గుజరాత్, హిమాచల్ ప్రదేశ్లలో ఎన్నికలలో ఓడిపోయే వరకు. ఈ ఏడాది చివర్లో హిమాచల్, గుజరాత్ అసెంబ్లీ ఎన్నికలు జరగనున్నాయి. ఇప్పటికే గుజరాత్లో కాంగ్రెస్కు గట్టి ఎదురుదెబ్బ తగిలింది. పార్టీ వర్కింగ్ ప్రెసిడెంట్ హార్దిక్ పటేల్ నాయకత్వం ‘చికెన్ శాండ్విచ్, మొబైల్పై ఎక్కువ శ్రద్ధ చూపుతోంది’ అని ఆరోపిస్తూ తన రాజీనామాను సమర్పించిన సంగతి తెలిసిందే.
కాంగ్రెస్ తిరిగి ఎలా ఉండాలనే దానిపై బ్లూప్రింట్ను రూపొందించిన ప్రశాంత్ కిషోర్ 600 స్లైడ్ల ప్రజెంటేషన్ ఇచ్చారని ఇటీవల వార్తలు వచ్చాయి. ఇందులో ఎన్ని సీట్లలో పోటీ చేయాలి, ఎవరితో కలపాలి, చేయకూడదు వంటి అనేక అంశాలు వచ్చాయి. కానీ అది కుదరలేదు. పికె ఏమి కోరుకుంటున్నారనే దానిపై కాంగ్రెస్ నాయకత్వం మరియు నాయకులు ఏకాభిప్రాయానికి రాలేకపోయారని తరువాత కనుగొనబడింది.
