New Year 2021: న్యూఇయర్ కోసం అదిరిపోయే గిఫ్ట్ ఐడియాలు.. మీ సన్నిహితులను సర్‏ఫ్రైజ్ చేయండిలా..

2020 ఈ రోజుతో ముగిసిపోతోంది. ఇప్పటికే ఈ సంవత్సరం చాలా మందికి విషాదాన్ని నింపింది. మరికొంత మందికి ఆనందాన్ని నింపింది. వచ్చే ఏడాది 2021 ఎలా ఉండబోతుందనేది ఎవరికి తెలియదు. కానీ మనం చేయగలిగేది ఒక్కటే అందరం బాగుండాలి అని కోరుకోవడం. అలాగే నూతన సంవత్సర శుభాకాంక్షలను మీ సన్నిహితులకు చెప్పండి. వారికోసం మంచి గిఫ్ట్ తయారు చేసి ఇవ్వండి. అయితే సులభంగా అదిరిపోయే గిప్ట్‏లు తయారు చేయడం ఏలాగో ఇప్పుడు తెలుసుకుందాం.

ఈ ఏడాది మొదలైన కరోనా మహమ్మారి బెడద ఇంకా తగ్గనేలేదు. కొవిడ్ నియంత్రణ కోసం మనం జాగ్రత్తలు పాటిస్తున్నాం. మీతో పాటు మీ సన్నిహితులు, బంధువులు జాగ్రత్తగా ఉండాల్సి ఉంది. అయితే ఈసారి న్యూ ఇయర్ కానుకగా సానిటైజర్స్, వైప్స్, సానిటైజింగ్ టూల్స్, సర్ఫేస్ డిసైన్ఫెక్టన్ట్ గిఫ్ట్స్ గా ఇవ్వండి.

ఇప్పుడున్న పరిస్థితుల్లో ప్రతీ షాప్ వెతికి ఆకర్శణియమైన గిఫ్ట్ కార్డ్స్ కొనడం చాలా ప్రమాదకరం. కాబట్టి మీరే స్వయంగా మీ సన్నిహితుల కోసం గ్రీటింగ్ కార్డ్స్ తయారు చేయండి. మీ స్నేహితులకు మీరు ఏదైనా విషయం చెప్పాలనుకుంటే దానిని ఒక కలర్ షీట్ మీద రాసి దానిని చిన్న స్టార్స్ మరియు చమ్మిలతో అలంకరించి వారికి ఇవ్వండి. అంతేకాకుండా ఒక చిన్న పూల కుండీలను కానుకగా ఇవ్వండి. ఇవే కాకుండా మీ స్నేహితులకు, బంధువులకు మంచి పుస్తకాన్ని ఇచ్చి న్యూఇయర్ విషెస్ తెలపండి. 2021 సంవత్సరం మీకు కావాల్సిన వారు సంతోషంగా గడపడానికి వారికి అలాగే వారు చేయాలనుకుంటున్న పని నెరవేరడానికి లాఫింగ్ బుద్దా లేదా మరేదైనా గుడ్ లక్ ప్రోడక్ట్స్‏ను కానుకగా ఇవ్వండి.