AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

రెండేళ్లుగా స్నానం లేదు.. మంచం దిగలేదు.. బాలీవుడ్ నటుడి దయనీయ స్థితి

రెండేళ్లుగా స్నానం లేదు.. మంచం దిగలేదు.. బాలీవుడ్ నటుడి దయనీయ స్థితి

Phani CH
|

Updated on: Nov 21, 2026 | 1:31 PM

Share

ఒకప్పుడు షారుఖ్ ఖాన్ సినిమాల్లో నటించిన బాలీవుడ్ నటుడు శరద్ కపూర్ దీనస్థితిపై ఆందోళన వ్యక్తమవుతోంది. రెండేళ్లుగా ఆరోగ్యం క్షీణించి మంచానికే పరిమితమైనట్లు జంతు సంరక్షణ కార్యకర్త హేమ చౌదరి వెల్లడించారు. సాయం పేరుతో కొందరు వీడియోలు తీసి ప్రచారం చేసుకున్నారని నటుడు ఆవేదన వ్యక్తం చేశారు. ఈ నేపథ్యంలో సల్మాన్ ఖాన్, సోనూ సూద్ ఆదుకునేందుకు ముందుకొచ్చినట్లు సమాచారం.

ఒకప్పుడు వెండితెరపై తన నటనతో ప్రేక్షకులను మెప్పించిన బాలీవుడ్ నటుడు శరద్ కపూర్ నేడు అత్యంత దయనీయ పరిస్థితుల్లో కొట్టుమిట్టాడుతున్నారు. షారుఖ్ ఖాన్ ‘జోష్’, ‘లక్ష్య’, ‘వాంటెడ్’, ‘జై హో’ వంటి భారీ చిత్రాల్లో నటించిన ఈ నటుడు, గత రెండేళ్లుగా కనీసం స్నానం కూడా చేయకుండా, మంచానికే పరిమితమై నరకయాతన అనుభవిస్తున్నారనే వార్త ఇప్పుడు సినీ వర్గాలను దిగ్భ్రాంతికి గురిచేస్తోంది. ‘బేజుబాన్ ట్రస్ట్’ పేరుతో జంతు సంరక్షణ కేంద్రాన్ని నిర్వహిస్తున్న హేమ చౌదరి, ఇటీవల ఒక పాడ్‌కాస్ట్‌లో శరద్ కపూర్ దుస్థితిని బయటపెట్టారు. ఆ ప్రాంతంలో వీధి కుక్కలను రక్షించేందుకు వెళ్లిన హేమకు, అనుకోకుండా శరద్ కపూర్ పరిచయమయ్యారు. ఆయన గదిలోకి వెళ్లి చూసిన హేమ ఒక్కసారిగా షాక్‌కు గురయ్యారు. రెండేళ్లుగా స్నానం చేయకపోవడం, కనీస అవసరాలు కూడా తీర్చుకోలేని స్థితిలో ఆయన మంచంపైనే పడి ఉండటం చూసి చలించిపోయారు. ఆయన కాళ్లు కూడా వంకరపోయి, ఆరోగ్యం పూర్తిగా క్షీణించిందని, ఆలస్యం చేస్తే ప్రాణాలకే ప్రమాదమని గుర్తించి ఈ విషయాన్ని బయటపెట్టినట్లు ఆమె తెలిపారు. శరద్ కపూర్ దీనస్థితిపై సోషల్ మీడియాలో వీడియోలు వైరల్ కావడంతో కొందరు సాయం చేసేందుకు ముందుకు వచ్చారు. అయితే, ఇక్కడే మరో షాకింగ్ విషయం వెలుగులోకి వచ్చింది. కొంతమంది కేవలం రీల్స్, వీడియోలు తీసుకోవడానికి మాత్రమే ఆయన చేతిలో డబ్బులు పెట్టి, కెమెరా ఆఫ్ చేయగానే ఆ డబ్బును తిరిగి లాక్కున్నారని స్వయంగా శరద్ కపూర్ ఆవేదన వ్యక్తం చేశారు. కష్టాల్లో ఉన్న తనను చూపిస్తూ కొందరు పబ్లిసిటీ స్టంట్లు చేయడం తనను తీవ్రంగా బాధించిందని ఆయన వాపోయారు. ఆయన కుటుంబ సభ్యులను సంప్రదించేందుకు హేమ చౌదరి ప్రయత్నించినప్పటికీ, వారి నుంచి ఎలాంటి స్పందన రాలేదు. ఆస్తి వివాదాలు,కుటుంబ కలహాల వల్లే ఆయనను ఒంటరిగా వదిలేశారనే అనుమానాలు వ్యక్తమవుతున్నాయి. గతంలో పశ్చిమ బెంగాల్ మాజీ ముఖ్యమంత్రి జ్యోతి బసు మనవరాలు కోయల్ బసుతో ఆయనకు నిశ్చితార్థం జరిగినప్పటికీ, వ్యక్తిగత కారణాలతో పెళ్లి జరగలేదు. ప్రస్తుతం శరద్ కపూర్ మానసిక, శారీరక ఆరోగ్యంపై తీవ్ర ఆందోళన వ్యక్తమవుతోంది. విషయం తెలుసుకున్న బాలీవుడ్ స్టార్ హీరో సల్మాన్ ఖాన్, రియల్ హీరో సోనూ సూద్ ఆయనను ఆదుకునేందుకు ముందుకు వచ్చారు. 2019లో వచ్చిన ‘క్యాబరే’ చిత్రం తర్వాత వెండితెరకు దూరమైన శరద్ కపూర్, త్వరలోనే కోలుకుని తిరిగి సాధారణ జీవితంలోకి రావాలని అభిమానులు కోరుకుంటున్నారు.

మరిన్ని వీడియోల కోసం ఇక్కడ క్లిక్ చేయండి

Also Watch:

Monalisa Bhosle: చేజేతులారా కెరీర్‌ను నాశనం చేసుకుందా.. మోనాలిసా ఇప్పుడేం చేస్తోంది

Sudigali Sudheer: సొంత సినిమాను గాలికొదిలేశాడు! సుధీర్ తీరుపై తీవ్ర విమర్శలు

Follow Us