‘మా’లో ముదిరిన వివాదాలు.. అసలు కారణాలు ఇవేనా?

'మా'లో ముదిరిన వివాదాలు.. అసలు కారణాలు ఇవేనా?

మూవీ ఆర్టిస్ట్స్ అసోసియేషన్(మా)లో అంతర్గత కలహాలు మళ్ళీ తెరపైకి వచ్చాయి. అధ్యక్షుడు నరేష్, జీవితా రాజశేఖర్ వర్గం మధ్య విబేధాలు తారాస్థాయికి చేరుకున్నట్లు కనిపిస్తోంది. ‘మా’ అధ్యక్షుడు నరేష్ పనితీరుపై, నిధుల విషయంలో ప్రధాన కార్యదర్శి జీవితా రాజశేఖర్ వర్గం పలు అనుమానాలు వ్యక్తం చేస్తున్నట్లు సమాచారం. నరేష్‌ని కాదని.. వీరిద్దరూ ఈసీ సభ్యులకు సందేశాలు పంపడంతో తీవ్ర దుమారానికి కారణమైంది. ఆదివారం హైదరాబాద్‌లోని ఫిల్మ్ ఛాంబర్‌లో ఈ సమావేశం జరగ్గా.. నరేష్ మినహా మిగిలిన కార్యవర్గ […]

Ravi Kiran

|

Oct 21, 2019 | 7:35 PM

మూవీ ఆర్టిస్ట్స్ అసోసియేషన్(మా)లో అంతర్గత కలహాలు మళ్ళీ తెరపైకి వచ్చాయి. అధ్యక్షుడు నరేష్, జీవితా రాజశేఖర్ వర్గం మధ్య విబేధాలు తారాస్థాయికి చేరుకున్నట్లు కనిపిస్తోంది. ‘మా’ అధ్యక్షుడు నరేష్ పనితీరుపై, నిధుల విషయంలో ప్రధాన కార్యదర్శి జీవితా రాజశేఖర్ వర్గం పలు అనుమానాలు వ్యక్తం చేస్తున్నట్లు సమాచారం. నరేష్‌ని కాదని.. వీరిద్దరూ ఈసీ సభ్యులకు సందేశాలు పంపడంతో తీవ్ర దుమారానికి కారణమైంది. ఆదివారం హైదరాబాద్‌లోని ఫిల్మ్ ఛాంబర్‌లో ఈ సమావేశం జరగ్గా.. నరేష్ మినహా మిగిలిన కార్యవర్గ సభ్యులందరూ హాజరయ్యారు.

‘మా’లోని అంతర్గత సమస్యలపై అధ్యక్షుడు నరేష్ స్పందించాలని.. సంస్థ ఆధ్వర్యంలో ఇప్పటివరకు జరిగిన ఈవెంట్స్ వివరాలు, నిధుల విషయం గురించి కూడా బహిర్గతం చేయాలనీ జీవిత డిమాండ్ చేశారు. ఇరువర్గాల సభ్యుల మధ్య తీవ్రమైన వాగ్వాదం చోటు చేసుకున్నట్లు తెలుస్తోంది. అయితే నరేష్ తరపు న్యాయవాది మాత్రం అధ్యక్షుడు లేకుండా మీటింగ్ ఎలా నిర్వహిస్తారని జీవితా రాజశేఖర్‌లను ప్రశ్నించారని సమాచారం. ఇది కేవలం స్నేహపూరితమైన సమావేశమేనంటూ జీవితా రాజశేఖర్‌లు వివరణ ఇచ్చారు. ఆదివారం ఉదయం నుంచి సాయంత్రం వరకు సాగిన ఈ హైడ్రామాలో కొన్ని కీలకమైన నిర్ణయాలు తీసుకుంటున్నట్లు తెలుస్తోంది. అంతేకాక ఈ సమస్యలన్నీ పరిశ్రమ పెద్దల సలహా మేరకు పరిష్కరించుకోవాలని నిర్ణయించినట్లు భోగట్టా.

అలా చేస్తే ‘మా’ను డ్యామేజ్ చేసినట్లే – నరేష్

25 ఏళ్ళ చరిత్ర ఉన్న ‘మా’లో ఎప్పుడూ కూడా ఇలాంటి ఎమర్జెన్సీ జనరల్ బాడీ మీటింగ్ జరగలేదు. 20  రోజుల క్రితం జనరల్ బాడీ మీటింగ్ పెట్టబోతున్నామని.. దానికి మీరు తప్పకుండా రావాలని లెటర్ రాశారు. కానీ ‘మా’లో జనరల్ బాడీ మీటింగ్ నిర్వహించాల్సిన బాధ్యత నాదే. నాకు కూడా చెప్పకుండా సడన్‌గా మీటింగ్ ఎందుకు పెట్టారనే అనుమానాలు వచ్చాయి. అంతేకాక నేను నిర్వహించాల్సిన మీటింగ్ వేరొకరు కాల్‌ఫర్ చేయడంతో నన్ను వెళ్లోద్దని కొందరు పెద్దలు సలహా ఇచ్చారు. ఫ్రెండ్లీ సమావేశానికి నేను అక్కర్లేదని అనుకున్నా.. అందుకే ఆ డేట్‌ను ఓ సినిమా షూటింగ్ ఇచ్చాను. నటుడిగా నా ముందు బాధ్యత షూటింగ్ అందుకే మీటింగ్‌కు హాజరు కాలేకపోయాను. ఇక ఆదివారం జరిగిన సమావేశానికి హాజరైన నటుడు, ఎస్వీబీసీ ఛానల్ అధ్యక్షుడు పృథ్వి.. అదొక పనికిరాని మీటింగ్‌గా అభివర్ణించారు. అది చూసినప్పుడు నాకు బాధ కలిగింది. ఒకవేళ అధ్యక్షుడి స్థానంలో నేను ఆ మీటింగ్‌లో కూర్చుని ఉంటే నా పరిస్థితి ఏంటి?

మూవీ ఆర్టిస్ట్స్ అసోసియేషన్ అనే బ్యానర్ పెట్టి.. దాని కింద 550 మందిని పిలిచి మీటింగ్ పెడితే.. పృథ్వి లాంటి నటుడు దాన్ని పనికిరాని సమావేశం అని ఎందుకు అన్నారో ఆలోచించాల్సిన విషయం. అంతేకాకుండా కొన్ని ఫ్లెక్సీల మీద సర్వసభ్య సమావేశం అని ఎందుకు రాశారో అర్థం కాలేదు. మరోవైపు ఈ సమావేశానికి ఓ లాయర్‌ను కూడా పిలిచి.. కాలం మారింది.. దానికి అనుగుణంగా రాజ్యాంగాన్ని కూడా మార్చాలని అన్నారట. ఇక ఆ విషయం తెలిసి షాక్ అయ్యాను.

26 ఏళ్ల క్రితం చిరంజీవి నేతృత్వంలో ప్రారంభమైన ఈ సంస్థకు ఎందరో దిగ్గజాలు అధ్యక్షులుగా పని చేయడం జరిగింది. ‘ మా’లో 93లో చిన్న చిన్న సవరణలు చేసిన సంగతి తెలిసిందే. 26 ఏళ్ల ఈ సంస్థలో … ఏఎన్నార్‌గారు, కృష్ణగారి లాంటి ప్రముఖులు అడ్వైజర్లుగా పనిచేశారు… ఇప్పుడు కృష్ణంరాజుగారు అడ్వైజర్‌గా చేస్తున్నారు. ఇంత మంది పెద్దలుండగా, చర్చలు సవరణలు ఉంటే అందరం కలిసి వాళ్ల దగ్గరకు వెళ్లాలి. వాళ్ల ముందు పెట్టాలి. వాళ్లతో చర్చించి ఓకే అనుకున్నాక మార్పులను ఆహ్వానించాలి. అలా కాకుండా సొంత నిర్ణయాలు తీసుకోవడం అనేది ‘మా’ను డ్యామేజ్ చేసినట్లే. అంతేకాకుండా ఈ మీటింగ్ అంతా ఎవరో ఇచ్చిన తప్పుడు సూచనతో జరిగినట్లు తెలిసింది. ఈ వ్యవహారంపై నేను పెద్దలతో కూడా చర్చిస్తున్నాను.

నేను ఎప్పుడూ కూడా ‘మా’ అధ్యక్ష పదవిని పక్కన పెట్టలేదు. అధ్యక్షుడిగా ప్రణాళికను రూపొందించడం, అందరి సహకారంతో ముందుకు వెళ్లడం నా పని.. అదే పని ఇప్పుడూ చేస్తున్నానని ‘మా’ అధ్యక్షుడు నరేష్ స్పష్టం చేశారు.

Follow us on

Related Stories

Most Read Stories

Click on your DTH Provider to Add TV9 Telugu