ఎయిర్ ఇండియా కీలక నిర్ణయం.. పైలట్లకు జీతం కట్..
విదేశాల్లో చిక్కుకున్న భారతీయులను తీసుకువచ్చేందుకు ప్రత్యేక విమానాలు ఏర్పాటు చేసిన ఎయిర్ ఇండియా సంస్థ తన పైలట్లు, సిబ్బందిని వైద్యపరీక్షలు చేయించుకోవాలని ఆదేశించింది.
Updated on: Jul 17, 2020 | 9:03 PM
విదేశాల్లో చిక్కుకున్న భారతీయులను తీసుకువచ్చేందుకు ప్రత్యేక విమానాలు ఏర్పాటు చేసిన ఎయిర్ ఇండియా సంస్థ తన పైలట్లు, సిబ్బందిని వైద్యపరీక్షలు చేయించుకోవాలని ఆదేశించింది. కాగా.. ఇప్పటివరకు 55 మంది ఎయిర్ ఇండియా పైలట్లకు కరోనా సోకినట్లు తెలుస్తోంది. ఈ క్రమంలో ఎయిరిండియా కీలక నిర్ణయం తీసుకుంది. పనితీరు సరిగ్గా లేదని భావిస్తున్న ఉద్యోగులను నిర్బంధ సెలవుపై ఐదేళ్ల వరకూ పంపాలని భావిస్తోంది.
ఈ విషయంలో నిర్ణయం తీసుకునే అధికారాన్ని సీఎండీ (చైర్మన్ అండ్ మేనేజింగ్ డైరెక్టర్) రాజీవ్ భన్సాల్ కు అప్పగిస్తూ, ఎయిర్ ఇండియా బోర్డు తీర్మానాన్ని ఆమోదించింది. పైలట్లకు స్థూల జీతభత్యాలపై దాదాపు 60% జీతాల కోత విధించింది. ఉన్నతాధికారులకు మాత్రం కేవలం జీతంపై 3.5% తగ్గింపును ప్రతిపాదించింది. ఈ కోతలపై పైలట్లు తీవ్ర అభ్యంతరం వ్యక్తంచేశారు.
Also Read: యూజీసీ మార్గదర్శకాల మేరకు.. పరీక్షల నిర్వహణకే మొగ్గు..
Also Read: ఇక ప్రీ స్కూల్స్ గా అంగన్వాడీలు.. ఆన్లైన్లో బోధన..
