వారెవ్వా.. అతడికి అదృష్టం ఆకాశం నుంచి ఊడిపడింది..ఒక్క రోజులో కోటీశ్వరుడు

సుడి, అదృష్టం ఉంటే చాలు ఎక్కడ ఉన్నా కలిసివస్తోంది. కొంతమంది మాత్రం ఏళ్ల తరబడి కష్టపడుతున్నా సక్సెస్ దక్కదు.

Updated on: Nov 19, 2020 | 3:54 PM

సుడి, అదృష్టం ఉంటే చాలు ఎక్కడ ఉన్నా కలిసివస్తోంది. కొంతమంది మాత్రం ఏళ్ల తరబడి కష్టపడుతున్నా సక్సెస్ దక్కదు. అది వాళ్ల ఫేట్ అంతే. తాజాగా ఒక వ్యక్తికి అదృష్టం ఆకాశం నుంచి ఊడిపడింది. అయ్యో నిజమండీ బాబు…ఆకాశం నుంచి పడిన ఓ గ్రహ శకలం అతడ్ని ఓవర్‌నైట్ కోటీశ్వరుడిని చేసింది.

వివరాల్లోకి వెళ్తే… ఇండోనేషియాలోని ఉత్తర సుమాత్రా ఏరియాలో 33 ఏళ్ల జోషువా హుటాగలుంగ్ తన కుటుంబంతో కలిసి నివశిస్తున్నాడు. శవపేటికలు తయారుచేయడం అతడి వృత్తి. కాగా ఇటీవల అతని ఇంటి పెరట్లో రాత్రి పూట ఓ భారీ గ్రహ శకలం పడింది. దాని బరువు 2.2 కిలోగ్రాములుగా ఉంది. అయితే అది మంచి వాల్యు ఉంటుందని అంచనా వేసిన అతడు దాన్ని భద్రపరిచాడు. మొదట టచ్ చేశాక కొద్దిగా వేడిగా అనిపించిందని… అయినప్పటికీ వెంటనే ఇంట్లోకి తీసుకెళ్లి భద్రపరిచానని అతడు చెప్పాడు. అనంతరం అందుకు సంబంధించిన విజువల్స్‌ని సోషల్ మీడియాలో పోస్ట్ చేశాడు.

కాగా ఆ వార్త తెలుసుకున్న అమెరికాకు చెందిన ఉల్క నిపుణుడు జేర్డ్ కొల్లిన్స్ ఆ గ్రహ శకలానికి భారీ మొత్తంలో చెల్లించి దాన్ని జోషువా నుంచి కొనుగోలు చేశాడు. అందుకు గాను జోషువాకు ఏకంగా 1.8 మిలియన్ డాలర్లు (దాదాపుగా రూ.13.37 కోట్లు) వచ్చాయి. కాగా సదరు గ్రహశకలం సుమారుగా 450 కోట్ల సంవత్సరాల కాలం నాటిదని, CM1 / 2 కార్బోనేషియస్ కొండ్రైట్ వర్గానికి చెందిన ఉల్క అని నిపుణులు గుర్తించారు. దానిపై వారు పరిశోధనలు చేయనున్నారు.