వార్తలు చదువుతున్న తల్లికి లైవ్‌‌‌‌‌లో అడ్డుపడ్డ బుడతడు.. ఆ తర్వాత ఏం జరిగిందంటే..

న్యూస్ ప్రజంటర్స్ వార్తలు చదువుతున్న సమయంలో చాలా జాగ్రత్తగా ఉంటారు. ఎలాంటి అవాంతరాలు వచ్చిన వారు వార్తలు చదవడం మాత్రం ఆపారు. కానీ కొన్నిసార్లు యాంకర్లు వార్తలు లైవ్ లో చదువుతున్న సమయంలో చిత్ర విచిత్రలో చోటు చేసుకుంటుంటాయి. ఇటీవల  కరోనా కల్లోలం కారణంగా చాలా మంది వర్క్ ఫ్రమ్ హోం చేస్తున్నారు. ఆ సమయంలో తమ కుటుంబసభ్యులు, పిల్లలు తమ పనికి అడ్డుతగులుతూ ఉంటారు. తాజాగా అలాంటి ఘటనే ఒకటి జరిగింది. కానీ ఈ సంఘటన ప్రతి ఒక్కరి హృదయాలను హత్తుకుంది.

అమెరికాలోని లాస్ ఏంజిల్స్‌లో ఓ న్యూస్ యాంకర్ వాతావరణ వివరాలు లైవ్ లో అందిస్తున్న సమయంలో ఆమె కొడుకు చిట్టి చిట్టి అడుగులు వేస్తూ ..తల్లిదగ్గరకు వచ్చి ఆమె కాళ్ళను గట్టిగా పట్టుకున్నాడు. దాంతో ఆమె ఒక్కసారిగా అవాక్ అయ్యింది. ఆమె కాళ్ళను గట్టిగా పట్టుకొని ఎత్తుకోమని అల్లరి పెట్టాడు. దాంతో ఆమె చేసేదేమి లేక ఆ బుడతడిని ఎత్తుకొని నవ్వుతూ వార్తలకు బ్రేక్ చెప్పేసింది. ‘మా బుడ్డోడు వచ్చేశాడు. ఇప్పుడు వీడిని నేను కంట్రోల్ చేయలేను’ అని నవ్వుతూ బ్రేక్​ చెప్పింది. ఈ వీడియోను సదరు ఛానల్ తన అధికార ట్విట్టర్ లో పోస్ట్ చేసింది. ప్రముఖ యాక్టర్ ఎలిజబెత్ బాంక్స్ సైతం ఈ వీడియోను షేర్ చేయడంతో మరింత వైరల్ అయ్యింది. ఇప్పటికే మిలియన్ల కొద్దీ వ్యూస్.. వేలల్లో లైకులు వస్తున్నాయి. ఇప్పుడు ఈ వీడియో సోషల్ మీడియాలో సంచలనంగా మారింది..

Baby on the move! There is no stopping adorable Nolan now that he can walk during Mommy’s (@abc7leslielopez) forecast. #Love #goodmorning #ThursdayThoughts #Babies #TheBest @ABC7 pic.twitter.com/jvUcaSMyGi

— Brandi Hitt (@ABC7Brandi) January 28, 2021