Motivational: జీవితంలో విజయాన్ని ఆపేవి ఈ తప్పులే బ్రో.. అస్సలు చేయకండి..
జీవితంలో ప్రతీ ఒక్కరికి ఒక లక్ష్యం ఉంటుంది. ఒకరికి ఉద్యోగం సాధించాలని, మరొకరి మంచి వ్యాపార వేత్తగా ఎదగాలని. ఇలా ఎవరికి ఏ లక్ష్యం ఉన్నా దాన్ని సాధించాలంటే కచ్చితంగా పట్టుదలతో పాటు.. నిజాయితీ, ఆత్మ ధైర్యం ఉండాలని చెబుతుంటారు. అయితే ప్రతీ ఒక్కరూ సక్సెస్ కావాలని కోరుకున్నా, కొందరు మాత్రమే విజయాలను అందుకుంటారు. ఎందుకిలా అంటే..
జీవితంలో ప్రతీ ఒక్కరికి ఒక లక్ష్యం ఉంటుంది. ఒకరికి ఉద్యోగం సాధించాలని, మరొకరి మంచి వ్యాపార వేత్తగా ఎదగాలని. ఇలా ఎవరికి ఏ లక్ష్యం ఉన్నా దాన్ని సాధించాలంటే కచ్చితంగా పట్టుదలతో పాటు.. నిజాయితీ, ఆత్మ ధైర్యం ఉండాలని చెబుతుంటారు. అయితే ప్రతీ ఒక్కరూ సక్సెస్ కావాలని కోరుకున్నా, కొందరు మాత్రమే విజయాలను అందుకుంటారు. ఎందుకిలా అంటే.. మనం చేసే కొన్ని తప్పుల వల్లే అని నిపుణులు చెబుతున్నారు. అవును సక్సస్‌ కావాలని ఎంత కసితో ఉన్నా కొన్ని తప్పులు మిమ్మల్ని ఎప్పటికీ విజయ తీరాలకు చేర్చలేవు. ఇంతకీ జీవితంలో విజయం సాధించాలంటే చేయకూడని ఆ తప్పులు ఏంటో ఇప్పుడు తెలుసుకుందాం..
* జీవితంలో విజయం సాధించకపోవడానికి ప్రధాన కారణాల్లో ఇతరులపై నిందలు వేయడం. మన వైఫల్యాలాకు పక్కవారే కారణం అనే సాకులు వెతుక్కోవడం. నాకు ఆ రోజు ఎవరూ సాయం చేయకపోవడం వల్లే ఇలా ఉన్నాను, నాకెవరూ అండగా నిలవలేదు. ఇలాంటి సాకులు చెప్పుకోవడం వల్ల విజయం దూరమవుతుంది. అయితే ఇలాంటి కొంటె సాకులు పక్కన పెట్టి మీ తప్పులకు మీరు బాధ్యులనే విషయాన్ని గుర్తించి, విజయం కోసం పాటుపడడమే విజయానికి తొలి మెట్టు అని నిపుణులు చెబుతున్నారు.
* సక్సెస్ కావాలనుకునే వారికి ఉండకూడని మరో లక్షణం వాయిదా వేయడం. అనుకున్న పనిని అనుకున్న వెంటనే చేయడం అలవాటు చేసుకోవాలి. పనులు వాయిదా వేయడం వల్ల ఎప్పటికీ విజయాన్ని సాధించలేరని మానసిక నిపుణులు చెబుతున్నారు. పనులు వాయిదా వేయడం వల్ల మీ విజయాన్ని మీరు అడ్డుకుంటున్నారని అర్థం చేసుకోవాలి.
* ఓటమిని చూసి భయపడడం సర్వసాధారణం. అయితే అదే భయం ఎక్కువ రోజులు కొనసాగితే మీ విజయం ఆగడం ఖాయం. ఓటమికి కుంగిపోకుండా విజయం వైపు అడుగులు వేయాలి. రెట్టించిన ఉత్సాహంతో మరోసారి ప్రయత్నించాలి. అప్పుడే జీవితంలో అనుకున్న విజయాన్ని సొంతం చేసుకునే అవకాశం లభిస్తుంది.
* ఇక జీవితంలో విజయాన్ని అడ్డుకునే మరో అంశం. గతంలో జరిగిన అంశాలను పదే పదే గుర్తుచేసుకోవడం. ప్రతీ ఒక్కరికీ గతంలో కొన్ని చెడు జ్ఙాపకాలు ఉంటాయి. వాటినే పట్టుకొని వేలాడుతుంటే జీవితంలో ముందుకు సాగడం కష్టం. ‘మర్చిపోవడం మనిషికి దేవుడిచ్చిన గొప్ప వరం’ అనే డైలాగ్‌ను గుర్తుపెట్టుకోవాలి.
* జీవితంలో సక్సెస్ కావాలంటే క్రమశిక్షణ అన్నింటికంటే ముఖ్యమైంది. మీరు ఎంత కష్టపడి పనిచేశారన్నదానికంటే ఎంత క్రమ శిక్షణతో పనిచేశారన్నదే ముఖ్యమని గుర్తుపెట్టుకోవాలి.
మరిన్ని ఇంట్రెస్టింగ్ కథనాల కోసం క్లిక్ చేయండి..
