ప్యూచర్‌లో బతికించేందుకు భార్య శవాన్ని భద్రపరిచిన భర్త.. కానీ రెండేళ్లకే ఒంటరితనానికి గురై..!

చైనాలో ప్రస్తుతం ఒక కొత్త వివాదం చెలరేగుతోంది. ఈ కేసు దేశంలోనే మొట్టమొదటి క్రయోజెనిక్‌గా ఘనీభవించిన మహిళకు సంబంధించినది. ఆమె శరీరాన్ని క్రయోజెనిక్‌గా భద్రపరిచారు. భార్యపై ఉన్న ప్రేమతో భవిష్యత్తులో ఆమె తిరిగి బ్రతికి బయటపడవచ్చన్న నమ్మకంతో ఫ్రిజ్ చేసి భద్రపరిచారు. అయితే ఆమె భర్త ఇప్పుడు మరొక మహిళతో సంబంధం కొనసాగిస్తున్నాడు. ఇది విస్తృత చర్చకు, ప్రశ్నలకు కారణమవుతోంది.

క్రీడా వ్యాపారం నిర్వహిస్తున్న 57 ఏళ్ల చైనా వ్యక్తి గుయ్ జున్మిన్, ఏడు సంవత్సరాల క్రితం అతని భార్య జాన్ వెన్లియన్‌కు చివరి దశ ఊపిరితిత్తుల క్యాన్సర్ ఉన్నట్లు నిర్ధారణ అయింది. అకస్మాత్తుగా అతని జీవితాన్ని మార్చుకున్నాడు. అప్పుడు వైద్యులు ఆమెకు ఇక సమయం లేదని చెప్పారు. ఇది విన్న గుయ్ తీవ్ర మనస్తాపానికి గురయ్యాడు. కొంతకాలం తర్వాత, అతని భార్య మరణించింది. ఈ సంఘటనతో గుయ్ మనో వేదనకు గురయ్యాడు. కానీ అతను ఒక ఆశ్చర్యకరమైన నిర్ణయం తీసుకున్నాడు.

తన భార్య జాన్ వెన్లియన్‌ను క్రయోజెనిక్ ఫ్రీజింగ్ కోసం పంపాడు. భవిష్యత్తులో సైన్స్ ఆమెను పునరుద్ధరించగలదనే ఆశతో ఆమె శరీరాన్ని అత్యంత చల్లని ఉష్ణోగ్రతలలో భద్రపరిచాడు. ఆ విధంగా, జాన్ చైనాలో మొదటి “క్రయోజనిక్ మహిళ” అయ్యారు.

సౌత్ చైనా మార్నింగ్ పోస్ట్ కథనం ప్రకారం, అతని భార్య అతన్ని విడిచిపెట్టిన తర్వాత, గుయ్ రెండు సంవత్సరాలు ఒంటరిగా జీవించాడు. మొదట్లో, అతను ఈ పరిస్థితి నుండి కోలుకుంటాడని కుటుంబసభ్యులు అనుకున్నారు. కానీ 2020లో ఒక ఉదయం, అతనికి తీవ్రమైన నొప్పి, గౌట్ దాడి అనిపించింది. రెండు రోజుల పాటు, అతను మంచం నుండి లేవలేకపోయాడు. తలుపు తెరవడానికి కూడా శక్తి లేదు. బంధువులు తాళం పగలగొట్టి అతన్ని బయటకు తీసుకువచ్చారు. ఒంటరితనం కూడా ఒక వ్యాధి అని గుయ్ గ్రహించాడు.

ఇంతలో, ఒక రోజు, ఒక స్నేహితుడు అతనికి బీమా కంపెనీ ఏజెంట్ వాంగ్ చున్‌కిసయాను పరిచయం చేశాడు. ప్రారంభంలో, ఆమె గుయ్‌ను క్లయింట్‌గా మాత్రమే భావించింది. కానీ క్రమంగా వారి మధ్య స్నేహం పెరిగింది. చివరికి వారి సంబంధం కొత్త మలుపు తిరిగింది. వాంగ్ చున్‌కిసయా మంచి సమయాల్లోనే కాదు, కష్ట సమయాల్లో కూడా అతనికి తోడుగా నిలిచింది. అనారోగ్యం, శస్త్రచికిత్స, ఆసుపత్రి సందర్శనలు.. ఆమె ప్రతిచోటా నీడలా గుయ్‌తో నిలిచింది. అయితే, ఇక్కడి నుంచి కథ సంక్లిష్టంగా మారింది. “వాంగ్ చాలా మంచివ్యక్తి అని, కానీ ఆమె నా హృదయంలో స్థానం సంపాదించుకోలేదు… నా భార్య స్థానాన్ని ఎవరూ భర్తీ చేయలేరు.” అని గుయ్ స్పష్టం చేశారు. దానితో, చైనీస్ సోషల్ మీడియా పేలిపోయింది. చైనీస్ సోషల్ మీడియాలో చాలా మంది ప్రశ్నలు సంధిస్తున్నారు.

ఈ సంఘటనతో గుయ్ కూడా అయోమయంలో పడ్డాడు. సైన్స్ ఎప్పుడైనా విజయవంతమై జాన్ తిరిగి వస్తే ఏమి జరుగుతుందో అని అతను ఆలోచిస్తున్నాడు. తాను వాంగ్‌ను వివాహం చేసుకుని, భవిష్యత్తులో జాన్ తిరిగి జీవితంలోకి వస్తే, అది బహుభార్యత్వంగా పరిగణించబడుతుందా అని అతను భయపడుతున్నాడు. తాను గతాన్ని వదులుకోలేనని, కానీ వాంగ్ లేకుండా తాను కూడా జీవించలేనని గుయ్ అంటున్నాడు. గుయ్ ఈ సందిగ్ధంలో చిక్కుకున్నాడు.

మరిన్ని హ్యుమన్ ఇంట్రెస్ట్ వార్తల కోసం ఇక్కడ క్లిక్ చేయండి..