Kitchen Hacks: మిక్సీ జార్‌లు కొత్తలా మెరవాలంటే ఈ టిప్స్ ఫాలో అవ్వండి..!

కిచెన్‌లో ఉపయోగించే ముఖ్యమైన వాటిలో మిక్సీ జార్ ఒకటి. ఈ మిక్సీతో మనకు రోజూ అనేక రకాల పనులు ఉంటాయి. మసాలాలు, చట్నీలు, పౌడర్లు మొదలైనవి తయారు చేయడానికి మిక్సీని మనం ఎక్కువగా ఉపయోగిస్తాము. అయితే ఈ మిక్సీ జార్‌ను క్లీన్ చేయడం కొంత కష్టం అయిపోతుంది. అది క్లీన్‌గా, శుభ్రంగా ఉండటం చాలా ముఖ్యం, ఎందుకంటే ముక్కలు, మసాలా లేదా ఇతర పదార్థాలు దాని లోపల అడ్డుకుంటే దుర్వాసన రావచ్చు. అందుకే మిక్సీ జార్స్‌ను శుభ్రంగా ఉంచడం కోసం కొన్ని మార్గాలు ఉన్నాయి. ఇప్పుడు వాటి గురించి తెలుసుకుందాం.

మిక్సీ జార్‌ను శుభ్రం చేయడానికి నిమ్మకాయ ముక్కలు చాలా ఉపయోగపడుతాయి. నిమ్మ తొక్కలను బేకింగ్ సోడా లేదా నీటిలో ముంచి వాటితో జార్‌లో రుద్దండి. ఇలా చేయడం వల్ల జార్లో ఉన్న మిగిలిన పదార్థాలు సులభంగా బయటకు వస్తాయి. కాసేపు ఉంచి నీటితో శుభ్రంగా కడిగితే మిక్సీ జార్ పూర్తిగా శుభ్రంగా ఉంటుంది.

అలాగే బేకింగ్ సోడా కూడా జార్లను శుభ్రం చేయడానికి చాలా బాగా పని చేస్తుంది. బేకింగ్ సోడా, నీరు కలిపి పేస్ట్ లా చేయండి. ఆ పేస్టును జార్‌లో వేసి  కొంతసేపు ఉండనివ్వండి. ఆ తర్వాత నీటితో కడిగితే జార్ లోపల ఉన్న పదార్థాలు పూర్తిగా పోతాయి.

వెనిగర్ కూడా ఈ శుభ్రత పనిలో సహాయపడుతుంది. వైట్ వెనిగర్‌ను నీటితో కలిపి జార్‌లో వేసి కొన్ని నిమిషాలు ఉంచండి. అప్పుడు స్పాంజీ తీసుకుని జార్ను శుభ్రంగా తుడవండి. అర్ధ గంట పక్కనబెట్టి శుభ్రంగా కడిగితే ఎలాంటి మిగిలిన పదార్థాలు ఉండవు.

మరొక సాధారణ మార్గం వాషింగ్ పౌడర్‌తో జార్‌ను శుభ్రం చేయడం. వాషింగ్ పౌడర్‌ను నీటిలో కలిపి స్పాంజీతో జార్‌లో రుద్దండి. చివరగా నీటితో శుభ్రంగా కడిగితే జార్‌ని బాగానే శుభ్రపరచవచ్చు.

లిక్విడ్ డిటర్జెంట్ కూడా ఈ పనిలో పనిచేస్తుంది. జార్‌లో కొంత నీరు, లిక్విడ్ డిటర్జెంట్ వేసి, మిక్సీని ఆన్ చేయండి. కొన్ని నిమిషాలు ఆన్ చేసి, ఆఫ్ చేసి, స్పాంజీతో శుభ్రం చేయండి. అలా చేస్తే జార్ మొత్తం శుభ్రంగా ఉంటుంది. ఈ పద్ధతుల ద్వారా మీరు మీ మిక్సీ జార్‌ను సులభంగా, సమయానికి శుభ్రంగా ఉంచవచ్చు.