Lifestyle: వింటర్‌లో పాత గాయల నొప్పులు ఎందుకు వేధిస్తాయి.. ఎలా చెక్‌ పెట్టాలి.

ఆటలు ఆడుతున్నప్పుడో, శారీరక శ్రమ చేస్తున్నప్పుడో, ఇతర సందర్భాల్లో గాయలు కావడం సర్వసాధారణమైన విషయం. అయితే చలికాలంలో ఇలాంటి పాత గాయాలకు సంబంధించిన నొప్పులు మళ్లీ వస్తాయి. ముఖ్యంగా కండరాల నొప్పులు, పాత గాయల నొప్పులు వేధిస్తుంటాయి. అయితే చలికాలంలో పాత గాయల నొప్పులు మళ్లీ ఎందుకు వేధిస్తాయి.? ఈ నొప్పుల నుంచి ఎలా బయటపడాలి.? ఇప్పుడు తెలుసుకుందాం..

సాధారణంగా చలికాలంలో గాలిలో తేమతో పాటు గాలి పీడం కూడా తగ్గుతుంది. దీని కారణంగా, కండరాలు, కీళ్లు వదులుగా అవుతాయి. దీంతో ఇంతకు ముందు గాయాలైన చోట్ల ఒత్తిడి పెరుగుతుంది. దీంతో గతంలో గాయమైన చోట నొప్పి, వాపు పెరుగుతుంది. చలికాలంలో పాత గాయలకు సంబంధించిన నొప్పి వేధించడానికి ప్రధాన కారణం ఇదే. అయితే ఈ నొప్పులను ఎలా తగ్గించుకోవాలంటే..

* చలికాలం ఒంటి నొప్పుల నుంచి బయటపడడానికి జర్కిన్స్‌ను ధరించాలి. అలాగే గోరు వెచ్చని నీటితో స్నానం చేస్తుండాలి. వేడి నీళ్లతో స్నానం చేయడం వల్ల శరీరం వెచ్చగా ఉంటుంది. ఇది మన కండరాలు, కీళ్లను వెచ్చగా.. ఫ్లెక్సిబుల్‌గా ఉంచుతుంది. ఒత్తిడి తగ్గుతుంది, దీంతో గాయాల నొప్పి, వాపు తగ్గుతుంది.

* పాత గాయాలకు సంబంధించిన నొప్పులు వేధిస్తుంటే మసాజ్‌ చేయడం అలవాటు చేసుకోవాలి. గోరువెచ్చని నూనెతో కీళ్ల నొప్పులపై తేలికగా మసాజ్‌ చేయాలి. ఇలా చేస్తే నొప్పులు తగ్గుతాయి.

* ఇక వింటర్‌లో వ్యాయామాం చేసే విషయంలోనూ జాగ్రత్తగా ఉండాలి. కండరాలు, కీళ్లు బిగుతుగా మారుతాయి. కాబట్టి స్ట్రెచింగ్ వ్యాయామాలు చేయాలి. అలాకాకుండా భారీ వర్కవుట్స్‌ చేస్తే నొప్పులు పెరిగే ప్రమాదం ఉంటుందని నిపుణులు చెబుతున్నారు.

* ఇక వింటర్‌లో తీసుకునే ఆహారం విషయంలోనూ పలు మార్పులు చేసుకోవాలని నిపుణులు చెబుతున్నారు. ఎముకల బలోపేతం అవ్వడం కోసం విటమిన్‌ సి ఉండే ఆహారాలను తీసుకోవాలి. పాలు, చీజ్‌, సోయాబీన్‌, బ్రకోలీ వంటి ఆహారం తసుకోవడం వల్ల నొప్పులు తగ్గుతాయి.

మరిన్ని ఇంట్రెస్టింగ్ వార్తల కోసం క్లిక్ చేయండి..