Bizarre video: సెలైన్ బాటిల్‌‌‌‌తో కారును శుభ్రం చేయించుకున్న వైద్యుడు.. వెల్లువెత్తుతున్న విమర్శలు..

Bizarre video: అతి శుభ్రం అనర్ధాలకు దారితీస్తుందని ఆ మధ్య దర్శకుడు మారుతి తెరకెక్కించిన ‘మహానుభావుడు’ సినిమాలో చూపించాడు. సినిమాలో చూపించినట్టుగానే ఇక్కడ ఒక ప్రబుద్దుడు అతిశుభ్రంతో తంటాలు తెచ్చుకున్నాడు.  ఆతడు ఎవరో కాదు ఓ వైద్యుడు. ఓ వైద్యుడు సెలైన్ బాటిల్ తో కారును శుభ్రం చేయించుకున్న ఘటన కరీంనగర్ జిల్లా హుజురాబాద్ ఏరియా ఆసుపత్రిలో చోటు చేసుకుంది.

స్థానికంగా ఈ ఘటన తీవ్ర విమర్శలకు తావిస్తోంది.  ఆసుపత్రికి రంగులు వేస్తున్న సమయంలో అక్కడే నిలిపి ఉంచిన వైద్యుడి కారుపై సున్నం పడింది. దీంతో అత్యవసర సమయాల్లో రోగులకు ఎక్కించాల్సిన సెలైన్ బాటిల్‌తో ఆయన కారును ఓ నర్స్ చేత శుభ్రం చేయించుకున్నాడు. అయితే, ఈ తతాంగానంతా అక్కడున్న వారు ఎవరో వీడియో తీసి సోషల్ మీడియాలో పోస్ట్ చేశారు. దీంతో వైద్యుడు చేసిన ఈ ఘనకార్యం వెలుగులోకి వచ్చింది. వైద్య సిబ్బంది తీరుపై సర్వత్రా తీవ్ర విమర్శలు వ్యక్తమవుతున్నాయి. కానీ ఆ వైద్యుడు సెలైన్ బాటిల్ లో నీళ్లు నింపి శుభ్రం చేశామని చెప్తున్నాడు. ఆ వైద్యుడి మాటల్లో ఎంతవరకు నిజం ఉన్నదనేది మాత్రం తెలియడంలేదు.

మరిన్ని ఇక్కడ  చదవండి :

జాక్ పాట్ కొట్టేసింది, పంజాబ్ లో తుక్కు సామాన్ల డీలర్ భార్యకు లాటరీలో రూ. కోటి ప్రైజ్

మనదేశంలో 24వేల టన్నుల బంగారం నిరుపయోగంగా ఉందని లెక్కలు.. సరికొత్త గోల్డ్ డిపాజిట్ స్కీమ్ ప్రతిపాదనలతో బ్యాంకులు