Vastu Tips: ఉదయం లేవగానే అద్దంలో ముఖం చూసుకుంటున్నారా.?

హిందూ శాస్త్రంలో ఎన్నో నమ్మకాలు ఉంటాయి. అయితే మనకు తెలిసో తెలియకో కొన్ని తప్పులు చేస్తుంటాం. వీటివల్ల పలు రకాల సమస్యలు ఎదుర్కునే అవకాశం ఉంటుందని వాస్తు నిపుణులు చెబుతున్నారు. అలాంటి వాటిలో ఉదయం నిద్రలేవగానే అద్దంలో ముఖం చూసుకోవడం ఒకటని చెబుతున్నారు. ఎట్టి పరిస్థితుల్లో ఉదయం నిద్రలేవగానే అద్దంలో ముఖం చూసుకోకూడదని అంటున్నారు. దీనివల్ల కలిగే నష్టాలు ఎంటో ఇప్పుడు తెలుసుకుందాం..

వాస్తు శాస్త్రం ప్రకారం.. రాత్రంతా అద్దంలో నెగిటివ్‌ ఎనర్జీ పెరుగుతుంది. దీంతో ఉదయం లేవగానే అద్దంలో ముఖం చూసుకుంటే ఆ నెగిటివ్‌ ఎనర్జీ అంతా మన మీదికి వస్తుందని అంటుంటారు. ఫలితంగా ఇది మానసిక ఆరోగ్యంపై ప్రభావం చూపుతుంది అంటున్నారు. ఇది రోజంతా మనపై ఏదో తెలియని ప్రభావం చూపుతుంది. నిత్యం చికాకుగా, అలసిపోయినట్లు ఉంటారని నిపుణులు చెబుతున్నారు.

ఉదయం నిద్రలేవగానే అద్దంలో ముఖంగా చూసుకుంటే.. మనిషికి తగినంత విశ్రాంతి తీసుకోలేదన్న భావన కలుగుతుందని ఇది కూడా మానసిక సమస్యకు దారి తీస్తుందని అంటున్నారు. ఇక మానసిక నిపుణులు సైతం అద్దంలో ముఖం చూసుకోవద్దని చెబుతున్నారు. మొహంపై ఉండే మొటిమలు, ముడతలు, తెల్ల జుట్టు, మచ్చలు లాంటివి చూడడం వల్ల మానసిక ఆరోగ్యంపై ప్రభావం పడుతుంది. దీంతో నిరాశ, అసంతృప్తికి గురవుతాం. ఇది రోజంతా మన మానసిన తీరుపై ప్రభావం చూపుతుంది.

ఇక వాస్తు శాస్త్రంలో పేర్కొన్న అంశాల ప్రకారం.. ఉదయాన్నే వాస్తులో ముఖం చూసుకోవడం వల్ల నిందలు, ఆర్థికపరమైన సమస్యలు ఎదుర్కోవాల్సి వస్తుందని చెబుతున్నారు. అందుకే ఉదయం లేవగానే వీలైనంత వరకు అరచేతిని చూసుకోవడం లేదా ఏదైనా దేవుడి ఫొటోను చూడాలని చెబుతున్నారు.

నోట్‌: పైన తెలిపిన విషయాలు కేవలం పలువురు వాస్తు పండితులు, వాస్తు శాస్త్రంలో తెలిపిన అంశాల ఆధారంగా అందించినవి మాత్రమే. వీటిలో ఎలాంటి శాస్త్రీయ ఆధారాలు లేవని రీడర్స్‌ గమనించాలి.

మరిన్ని ఇంట్రెస్టింగ్ వార్తల కోసం క్లిక్ చేయండి..