TV9 Telugu
15 November 2024
ఛాంపియన్స్ ట్రోఫీ 2025కి సంబంధించి గందరగోళం కొనసాగుతోంది. భారత జట్టు పాకిస్థాన్‌కు వెళ్లేది లేదని బీసీసీఐ స్పష్టం చేసింది.
భారత వైఖరిపై అలిగిన పాక్ జట్టు, రోజుకో విధంగా పుకార్లను వ్యాప్తి చేస్తుందని వార్తలు వినిపిస్తున్నాయి. ఐసీసీపైనా ఒత్తిడి తెస్తోందని తెలుస్తోంది.
ఆసియా కప్ 2023లో జరిగినట్లుగానే టీమ్ ఇండియా మ్యాచ్‌లన్నీ పాకిస్థాన్ వెలుపల నిర్వహించాలని బీసీసీఐ కోరుతోంది.పాకిస్తాన్ హైబ్రిడ్ మోడల్‌లో టోర్నమెంట్‌ను నిర్వహించాలనుకోవడం లేదు.
మొత్తం టోర్నీని పాకిస్థాన్‌లో ఆడకపోతే, ఈ టోర్నీ నుంచి పాకిస్థాన్ తన పేరును ఉపసంహరించుకోవచ్చని, అంటే ఈ టోర్నీని బహిష్కరిస్తామని కొన్ని నివేదికలు పేర్కొన్నాయి.
పాకిస్తాన్ హైబ్రిడ్ మోడల్‌కు సిద్ధంగా లేకుంటే, ఐసిసి మొత్తం టోర్నమెంట్‌ను వేరే దేశానికి మార్చాలని ప్రతిపాదించవచ్చు. ఇందులో UAE, శ్రీలంక, దక్షిణాఫ్రికా వంటి దేశాలు ఉన్నాయి.
పాకిస్తాన్ వైదొలిగితే, 2025 ఛాంపియన్స్ ట్రోఫీకి ఆతిథ్యం ఇవ్వడానికి భారతదేశం ముందంజలో ఉందని ఇప్పుడు ఒక నివేదిక పేర్కొంది. అంటే ఈ టోర్నీని భారత్‌లో కూడా నిర్వహించవచ్చు.
ICC ఛాంపియన్స్ ట్రోఫీ 2025 ముసాయిదా షెడ్యూల్ ప్రకారం, ఈ టోర్నమెంట్ ఫిబ్రవరి 19 నుంచి ప్రారంభం కానుంది. కాగా, చివరి మ్యాచ్ మార్చి 9న లాహోర్‌లో జరగనుంది.
ఛాంపియన్స్ ట్రోఫీ 2025 ప్రారంభానికి ఇంకా 100 రోజులు కూడా లేవు. ఇటువంటి పరిస్థితిలో, షెడ్యూల్‌ను ప్రకటించే విధంగా ఐసిసి వీలైనంత త్వరగా నిర్ణయం తీసుకోవలసి ఉంటుంది.