మాంసం తిన్న తర్వాత వీటిని ఎట్టి పరిస్థితుల్లో తీసుకోకూడదు..! తిన్నారో అంతే సంగతి..!

మాంసం చాలా మందికి ఇష్టమైన ఆహారం. అయితే మాంసం తిన్న తర్వాత కొన్ని ఆహార పదార్థాలు తీసుకోవడం ఆరోగ్యానికి హాని చేస్తుంది. ముఖ్యంగా మూడు రకాల ఆహార పదార్థాల గురించి ఇప్పుడు తెలుసుకుందాం. వీటిని మాంసం తిన్న వెంటనే లేదా కాసేపటి తర్వాత కూడా తీసుకోకపోవడం మంచిది.

పాలు

మాంసం తిన్న తర్వాత పాలు తాగకూడదు. పాలు, మాంసం రెండూ జీర్ణం కావడానికి వేర్వేరు సమయం పడుతుంది. రెండింటినీ కలిపి తీసుకోవడం వల్ల జీర్ణ వ్యవస్థపై భారం పడుతుంది. ఇది అజీర్తి, కడుపు నొప్పి, గ్యాస్ వంటి సమస్యలకు దారి తీస్తుంది. కొందరికి విరేచనాలు కూడా అయ్యే అవకాశం ఉంది. కాబట్టి మాంసం తిన్న తర్వాత కనీసం రెండు గంటల తర్వాత మాత్రమే పాలు లేదా పాల ఉత్పత్తులు తీసుకోవాలి.

తేనె

మాంసం తిన్న తర్వాత తేనె తీసుకోవడం ఆరోగ్యానికి మంచిది కాదు. మాంసం వేడి చేసే స్వభావాన్ని కలిగి ఉంటుంది. ముఖ్యంగా ఎండబెట్టిన మాంసం తిన్న తర్వాత తేనె తీసుకోవడం వల్ల శరీర ఉష్ణోగ్రత మరింత పెరుగుతుంది. ఇది శరీరంలో వేడిని పెంచి అనేక ఆరోగ్య సమస్యలకు దారి తీస్తుంది. కొందరికి చర్మ సంబంధిత సమస్యలు కూడా రావొచ్చు. కాబట్టి మాంసం తిన్న తర్వాత తేనె తీసుకోకపోవడం మంచిది.

టీ

చాలా మంది భోజనం చేసిన తర్వాత టీ తాగడం అలవాటుగా చేసుకుంటారు. అయితే మాంసం తిన్న వెంటనే టీ తాగకూడదు. టీలో టానిన్లు ఉంటాయి. ఇవి మాంసంలోని ఐరన్‌తో కలిసి ఐరన్ శోషణను తగ్గిస్తాయి. దీనివల్ల శరీరానికి అందాల్సిన పోషకాలు అందకుండా పోతాయి. అంతేకాకుండా టీ తాగడం వల్ల అజీర్తి సమస్యలు కూడా వస్తాయి. గుండెల్లో మంట, గ్యాస్ వంటి సమస్యలు కూడా పెరుగుతాయి. కాబట్టి మాంసం తిన్న తర్వాత టీ తాగడం మానుకోవాలి.

ఈ మూడు రకాల ఆహార పదార్థాలను మాంసం తిన్న తర్వాత తీసుకోకపోవడం ఆరోగ్యానికి చాలా మంచిది. సరైన ఆహారపు అలవాట్లను పాటించడం ద్వారా ఆరోగ్యంగా ఉండవచ్చు.