ఓర్నీ.. ఆ సమస్యకు దీని లోపమే కారణమా.. ఆలస్యం చేస్తే చిప్ దొబ్బినట్టే..

శరీరానికి అన్ని పోషకాలు, ఖనిజాలు అందినప్పుడే ఆరోగ్యంగా ఉంటాం.. అలాంటి అవసరమైన పోషకాల్లో కోలిన్ ఒకటి.. కోలిన్ అనేది ఒక ముఖ్యమైన పోషకం.. ఇది కొన్ని ఆహారాలలో సహజంగా ఉంటుంది. అయితే శరీరంలో ఎటువంటి లోపం లేకుండా ఉండాలంటే.. దానికి సంబంధించిన ఆహారాలను తినాలి. చాలా సార్లు ప్రజలు అవసరమైనంత ఎక్కువ కోలిన్ తీసుకోలేరు. అలాంటప్పుడు కోలిన్ లోపం ఉండవచ్చు.. దీంతో పలు సమస్యలు ఉత్పన్నమవుతాయి..

అయితే.. ముఖ్యమైన అవయవం కాలేయంలో అంతర్గతంగా కోలిన్‌ ఉత్పత్తి అవుతుంది. అయితే శరీరం సహజంగా సంశ్లేషణ చేసే మొత్తం కోలిన్ శరీర అవసరాలను తీర్చడానికి సరిపోదు. ఆహారం నుంచి కొంత శరీరానికి కోలిన్ అందించాల్సి ఉంటుంది. అందుకే.. కోలిన్ ఉండే ఆహారాలను తీసుకోవాలని వైద్య నిపుణులు చెబుతున్నారు.

శరీరానికి కోలిన్ ఎందుకు ముఖ్యమైనది?

సాధారణ శరీర విధులకు కోలిన్ అవసరం. ఇది మీ కాలేయం నుండి కూడా చిన్న మొత్తంలో విడుదలవుతుంది.. ఇది నాడీ వ్యవస్థ, జీవక్రియ, మెదడు అభివృద్ధికి, కండరాల కదలికకు చాలా ముఖ్యమైనది.

కొలిన్ లోపం ఉంటే..

ఫ్యాటీ లివర్, కాలేయ వ్యాధులు, కండరాల నష్టం – నొప్పి, బలహీనత, అభిజ్ఞా పనితీరు- అభిజ్ఞా క్షీణత.. మానసిక రుగ్మతలు (మాంద్యం వంటివి), ఆందోళన, నాడీ సంబంధిత రుగ్మతలు, నిద్ర పట్టకపోవడం ఉంటాయి..

కోలిన్ మంచి నిద్రను అందిస్తుంది:

నిద్ర మన జీవితంలో ఒక ముఖ్యమైన భాగం.. శారీరక, మానసిక ఆరోగ్యాన్ని కాపాడుకోవడంలో ఇది ముఖ్యమైన పాత్ర పోషిస్తుంది. నిద్రలో, శరీరం స్వయంగా మరమ్మతులు చేసుకుంటుంది. జ్ఞాపకాలను ప్రాసెస్ చేయడానికి, నిల్వ చేయడానికి మెదడు పనిచేస్తుంది. నిద్ర లేకపోవడం లేదా నిద్ర నాణ్యత తక్కువగా ఉండటం వలన బద్ధకం, అలసట, చిరాకు, కరోనరీ డిసీజ్, గుండె జబ్బులు వంటి అనేక సమస్యలు తలెత్తుతాయి. రోజుకు 7 నుంచి 8 గంటలపాటు నిద్రపోవాలి.. మీకు నిద్ర రుగ్మత ఉంటే, దీని కోసం మీరు కోలిన్ అధికంగా ఉండే ఆహారాన్ని తీసుకోవచ్చు.

మంచి నిద్ర కోసం ఈ కోలిన్ ఆహారాలు తినండి

బొప్పాయి: బొప్పాయిలో అనేక పోషకాలు దాగున్నాయి. ఇది సాధారణంగా మంచి జీర్ణక్రియ కోసం తింటారు. దీని వల్ల కడుపు సమస్యలు ఉండవు. ఈ పండు తినడం ద్వారా శరీరం కోలిన్ పొందుతుంది. దీని సహాయంతో మీరు ప్రశాంతమైన నిద్రను పొందవచ్చు.

గుడ్డు: గుడ్లు కోలిన్ గొప్ప మూలంగా పరిగణిస్తారు. ప్రత్యేకించి మీరు పచ్చసొనను తింటే, మీకు ఈ పోషకంలో లోపం ఉండదు.. నిద్ర కూడా బాగుంటుంది. ఒక పెద్ద గుడ్డులో 147 mg కోలిన్ ఉంటుంది.

చికెన్: చికెన్ సాధారణంగా ప్రోటీన్ పొందడానికి తింటారు. ఇది శరీరాన్ని బలపరుస్తుంది. కానీ మీరు దానిని పరిమిత పరిమాణంలో క్రమం తప్పకుండా తింటే, మీరు 100 గ్రాముల వండిన చికెన్ లో 73 మిల్లీగ్రాముల కోలిన్ ఉంటుంది.

మరిన్ని హెల్త్ వార్తల కోసం ఇక్కడ క్లిక్ చేయండి..