Radish Benefits: చలికాలంలో ముల్లంగి తింటే ఎన్ని ప్రయోజనాలో తెలుసా? తెలిస్తే అసలు వదిలిపెట్టరు
ముల్లంగితో బోలెడు ఆరోగ్య ప్రయోజనాలున్నాయంటున్నారు పోషకాహార నిపుణులు. ముఖ్యంగా చలికాలంలో వేధించే జలుబు, రక్తపోటు, చర్మ సమస్యలు, జీర్ణవ్యవస్థ సమస్యల నుంచి రక్షణ పొందవచ్చు.
చలికాలం మొదలైంది. ఇతర సీజన్లతో పోల్చితే శీతాకాలంలో పలు ఆరోగ్య సమస్యలు తలెత్తుతాయి. అందుకే ఈ సీజన్లో అందంతో పాటు ఆరోగ్యం పట్ల మరింత జాగ్రత్తగా ఉండాలంటున్నారు నిపుణులు. సీజనల్ వ్యాధులను దూరం చేసుకోవడానికి రోగ నిరోధక శక్తిని బలోపేతం చేసుకోవాలని సూచిస్తున్నారు. ఇందుకోసం పోషకాలతో కూడిన బలవర్ధక ఆహారం తీసుకోవాలని చెబుతున్నారు. కాగా ఏ సీజన్లోనైనా కూరగాయలు తింటే ఆరోగ్యానికి ఎంతో మంచిది. ముఖ్యంగా ముల్లంగి.. చాలామంది దీనిని ఇష్టంగా తింటారు. చపాతీలు, పరోటాలతో పాటు సలాడ్ల రూపంలో లేదా ఊరగాయల రూపంలోనూ ముల్లంగిని తీసుకుంటారు. అయితే ముల్లంగితో బోలెడు ఆరోగ్య ప్రయోజనాలున్నాయంటున్నారు పోషకాహార నిపుణులు. ముఖ్యంగా చలికాలంలో వేధించే జలుబు, రక్తపోటు, చర్మ సమస్యలు, జీర్ణవ్యవస్థ సమస్యల నుంచి రక్షణ పొందవచ్చు. అలాగే రోగనిరోధక శక్తిని పెంచుకోవచ్చు. ముల్లంగిలో క్యాన్సర్ నిరోధక గుణాలు నిండుగా ఉంటాయి. ఒక అధ్యయనం ప్రకారం, క్రూసిఫెరస్ కూరగాయలలో నీటిలో కలిపినప్పుడు ఐసోథియోసైనేట్లుగా విడిపోయే సమ్మేళనాలు ఉంటాయి. ఇవి క్యాన్సర్ కారక పదార్థాల శరీరాన్ని శుభ్రపరచడానికి, కణితి పెరుగుదలను నిరోధించడంలో సహాయపడతాయి.
జీర్ణ సమస్యలు దూరం..
ముల్లంగిలోని శక్తవంతమైన యాంటీ-డయాబెటిక్ లక్షణాలు రోగనిరోధక ప్రతిస్పందనను ప్రేరేపిస్తాయి. గ్లూకోజ్ శోషణను పెంచుతాయి. అలాగే రక్తంలో చక్కెర స్థాయిలను నియంత్రిస్తాయి. అడిపోనెక్టిన్ అనేది రక్తంలో చక్కెర స్థాయిలను నియంత్రించడానికి బాధ్యత వహించే హార్మోన్. ఈ హార్మోన్ ఇన్సులిన్ నిరోధకత నుండి రక్షించడంలో సహాయపడతాయి. ముల్లంగిలో ఎంజైమ్ Q10 కూడా ఉంటుంది. ఇది డయాబెటిస్ రాకుండా నిరోధించే యాంటీఆక్సిడెంట్. ముల్లంగిలో బయోయాక్టివ్ సమ్మేళనాలు ఉన్నాయి, ఇవి అడిపోనెక్టిన్ను మాడ్యులేట్ చేస్తాయి. గ్లూకోజ్ హోమియోస్టాసిస్ను నియంత్రించడంలో ముఖ్యమైన పాత్ర పోషిస్తాయి. ముల్లంగిలో ఉండే ఫైబర్ జీర్ణ సంబంధిత సమస్యలను దూరం చేస్తుంది. ప్రేగుల ద్వారా శరీరంలోని విష పదార్థాలను బయటకు పంపించడంలో సహాయపడుతుంది. అలాగే మలబద్ధకాన్ని నిరోధించడంలో తోడ్పడుతుంది. ముల్లంగిలో డైటరీ ఫైబర్ పుష్కలంగా ఉంటుంది, ఇది జీర్ణక్రియ సంబంధిత సమస్యలకు సహాయపడుతుంది. మీరు ప్రతిరోజూ తగినంత ముల్లంగి సలాడ్ తింటే, మీ ప్రేగు కదలికలు సాఫీగా ఉంటాయి.
గుండె జబ్బుల నుంచి రక్షణ..
ముల్లంగిలో పొటాషియం పుష్కలంగా ఉంటుంది. ఇది రక్తపోటు స్థాయిలను నియంత్రించడంలో అలాగే గుండెను సక్రమంగా పని చేయడంలో సహాయపడుతుంది. రక్త ప్రసరణను మెరుగుపరచడంలోనూ, రక్తపోటును తగ్గించడంలో సహాయపడే ఆంథోసైనిన్స్ అనే సమ్మేళనాలు ముల్లంగిలో మెండుగా ఉంటాయి. ఇందులోని యాంటీఆక్సిడెంట్లు, కాల్షియం, పొటాషియం వంటి ఖనిజాలు అధిక రక్తపోటును తగ్గిస్తాయి. గుండె జబ్బుల ప్రమాదాన్ని తగ్గిస్తాయి. ఇక ముల్లంగి రక్త ప్రవాహాన్ని మెరుగుపరిచే సహజ నైట్రేట్లకు మంచి మూలం.
(నోట్: ఇందులోని అంశాలు కేవలం అవగాహన కోసం మాత్రమే. ఆరోగ్య నిపుణుల సలహాల మేరకు అందించడం జరుగుతుంది. ఏదైనా సందేహాలు ఉంటే వైద్య నిపుణులను సంప్రదించండి.)
మరిన్ని హెల్త్ వార్తల కోసం క్లిక్ చేయండి