ఇంట్లో దొరికే వాటితో ఒళ్లు నొప్పులకు చెక్ పెట్టేయండి..! ఇలా చేస్తే వెంటనే ఉపశమనం

కండరాలు లేదా జాయింట్ల వద్ద నొప్పి, వాపు ఉంటే ఆ ప్రాంతంలో ఐస్ ప్యాక్ లేదా హీట్ ప్యాడ్ పెట్టడం వల్ల తక్షణ ఉపశమనం లభిస్తుంది. చల్లదనం వాపును తగ్గించడంలో ఉపయోగపడుతుండగా, వేడి కండరాలను రిలాక్స్ చేసి రక్త ప్రసరణ మెరుగుపరుస్తుంది. దీన్ని రోజు 10–15 నిమిషాలు వరుసగా చేస్తే మంచి ఫలితం కనిపిస్తుంది.

పసుపులో ఉండే కర్కుమిన్ అనే పదార్థం శరీరంలో మంటను తగ్గించే గుణం కలిగి ఉంటుంది. ఇది నొప్పి, వాపుల విషయంలో సహాయపడుతుంది. వేడి పాలను లేదా వెచ్చని నీళ్లలో కొద్దిగా పసుపు కలిపి తాగితే నొప్పులు తగ్గే అవకాశం ఉంది. దీనిని రోజూ అలవాటు చేసుకోవచ్చు.

క్రమం తప్పకుండా స్ట్రెచింగ్ వ్యాయామాలు చేయడం వల్ల కండరాల రిజిడిటీ తగ్గుతుంది. యోగా వంటి సాధనలతో శరీరం సడలిపోతుంది, రక్త ప్రసరణ మెరుగవుతుంది. దీనివల్ల ఒత్తిడిని తగ్గించుకుని ఒళ్లు నొప్పులు దూరం పెట్టవచ్చు. సాధారణంగా 15–20 నిమిషాల వ్యాయామం చాలా ఉపయోగకరంగా ఉంటుంది.

అల్లం శరీరానికి సహజంగా ఉపశమనం ఇచ్చే గుణాన్ని కలిగి ఉంటుంది. ఇందులోని యాంటీ ఇంఫ్లమేటరీ లక్షణాలు మంటను తగ్గించి నొప్పులను తగ్గించడంలో సహాయపడతాయి. రోజుకు ఒకసారి అల్లం టీ లేదా కషాయం తాగితే మంచి ఫలితం ఉంటుంది.

నూనె మసాజ్ ద్వారా కండరాల్లో ఉండే ఒత్తిడిని తగ్గించవచ్చు. మసాజ్‌ వల్ల ఆ ప్రాంతానికి రక్త ప్రసరణ మెరుగవుతుంది, మిగిలిన విషపదార్థాలు బయటకు పంపబడతాయి. మసాజ్ ఆయుర్వేద నూనెతో చేయవచ్చు.

మెగ్నీషియం కండరాల సడలింపుకు అవసరమైన ఖనిజం. ఆకుకూరలు, బాదం, జీడిపప్పు, తృణధాన్యాలు వంటి ఆహార పదార్థాల్లో మెగ్నీషియం పుష్కలంగా ఉంటుంది. ఇవి శరీరానికి అవసరమైన శక్తిని ఇస్తాయి, కండరాల దృఢత్వాన్ని పెంచుతాయి. తరచూ ఇవి ఆహారంలో భాగం కావాలి.

లావెండర్, పెప్పర్మింట్, యూకలిప్టస్ వంటి నూనెలను సుగంధ ఆవిరి లేదా నెమ్మదిగా మసాజ్ రూపంలో ఉపయోగించొచ్చు. ఇవి శరీరాన్ని రిలాక్స్ చేసి, నొప్పులు తగ్గించే సహజ మార్గం. ఇవి తలనొప్పులు, మెడ నొప్పులకు చక్కటి పరిష్కారంగా ఉంటాయి.

చైనీస్ పద్ధతిలో ఉండే ఆక్యుపంక్చర్ ట్రీట్మెంట్‌ ద్వారా శరీరంలోని నర్వ్ పాయింట్స్‌ను ప్రేరేపించి నొప్పుల్ని తగ్గించవచ్చు. ఇది సురక్షితమైనది, శాస్త్రీయంగా మెడికల్ రంగంలో ప్రామాణికంగా కూడా పరిగణించబడుతుంది. కీళ్లు, ఎముకల నొప్పులకు ఇది ఉపయోగకరంగా ఉంటుంది.

నొప్పి ఎక్కువగా ఉన్నప్పుడు శరీరానికి అవసరమైన విశ్రాంతి ఇవ్వాలి. బలమైన నిద్ర, సరైన మంచం, ఒత్తిడిలేని వాతావరణం అవసరం. విశ్రాంతి వల్ల కండరాలు నెమ్మదిగా రిలాక్స్ అవుతాయి, నొప్పులు సహజంగానే తగ్గుతాయి.

ఒళ్లు నొప్పులు అన్నివేళలా మందులతోనే తగ్గాల్సిన అవసరం లేదు. మన ఇంట్లోనే ఉన్న సహజ పదార్థాలు, జీవనశైలిలో చిన్న మార్పులతో కూడా వాటిని అధిగమించవచ్చు. పై చిట్కాలు సాధ్యమైనంత వరకూ పాటిస్తే ఒత్తిడి తగ్గి, శరీరం ఆరోగ్యంగా ఉంటుంది.

(NOTE: ఇందులోని అంశాలు కేవలం అవగాహన కోసం మాత్రమే. నిపుణులు అందించిన సమాచారం ప్రకారం ఇక్కడ తెలియజేయడమైనది. ఆరోగ్యరీత్యా ఎలాంటి సమస్యలు ఉన్నానేరుగా వైద్య నిపుణులను సంప్రదించడం మంచిది)