Dust Allergy: డస్ట్ అలర్జీతో బాధ‌ప‌డుతున్నారా.. అయితే, ఈ సింపుల్ టిప్స్ మీ కోసమే..
డస్ట్ అలర్జీలను ఎదుర్కోవడానికి ఆయుర్వేదంలో కొన్ని పరిష్కార మార్గాలు ఉన్నాయి. మన ఇంట్లో లభించే సుగంధ దినుసులతో డస్ట్ అలర్జీలకు చెక్ పెట్టవచ్చు.
వాతావరణంలో మార్పు వల్ల అనేక ఆరోగ్య సమస్యలు కూడా వస్తుంటాయి. ఈ సీజన్‌లో దుమ్ము, కలుషిత గాలి సర్వసాధారణం. చలికాలంలో చాలా మంది డస్ట్ అలర్జీతో బాధపడుతుంటారు. దీని వల్ల దగ్గు, తుమ్ములు సర్వసాధారణం. ఈ సమయంలో అదనపు జాగ్రత్తలు తీసుకోవడం అవసరం. మీరు కొన్ని ఇంటి నివారణలను ప్రయత్నించడం ద్వారా ఈ డస్ట్ అలర్జీ నుండి ఉపశమనం పొందవచ్చు. అయినప్పటికీ డస్ట్ అలర్జీలను ఎదుర్కోవడానికి ఆయుర్వేదంలో కొన్ని పరిష్కార మార్గాలు ఉన్నాయి. మన ఇంట్లో లభించే సుగంధ దినుసులతో డస్ట్ అలర్జీలకు చెక్ పెట్టవచ్చు. డస్ట్ అలర్జీతో బాధపడేవారికి ఇంటి నివారణ మార్గాలు ఇక్కడ తెలుసుకుందాం…
పసుపు: ఇందులో చాలా ఔషధ గుణాలున్నాయి. ఇది అనేక ఆరోగ్య సమస్యల నుండి మీకు ఉపశమనం కలిగిస్తుంది. ఒక గ్లాసు గోరువెచ్చని పాలలో పసుపు కలిపి పడుకునే ముందు తాగవచ్చు. ఇది అలెర్జీల చికిత్సలో సహాయపడుతుంది.
తులసి: తులసికి ప్రత్యేక ప్రాముఖ్యత ఉంది. నియమ నిబంధనల ప్రకారం తులసిని పూజిస్తారు. ఇందులో ఔషధ గుణాలున్నాయి. తులసి ఆకులను వేడి నీటిలో వేసి మరిగించి తాగితే ఫలితం ఉంటుంది. తులసిని తీసుకోవడం వల్ల డస్ట్ అలర్జీని నయం చేస్తుంది.
యోగా ప్రాక్టీస్ చేయండి: మీరు క్రమం తప్పకుండా యోగా చేస్తుండాలి. మీరు క్రమం తప్పకుండా అర్ధచంద్రాసన, పవనముక్తాసన, వృక్షాసన,సేతుబంధాసన వంటి యోగా వ్యాయామాలు చేయవచ్చు. ఇవి రోగనిరోధక శక్తిని పెంపొందించడానికి సహాయపడతాయి. అవి ఎలాంటి ఇన్ఫెక్షన్‌తోనైనా పోరాడే శక్తిని అందిస్తాయి.
అలోవెరా జ్యూస్: కలబంద రసంలో యాంటీ ఇన్‌ఫ్లమేటరీ గుణాలు ఉన్నాయి. ఇవి డస్ట్ అలర్జీల నుండి ఉపశమనాన్ని అందిస్తాయి. కలబంద రసం చేయడానికి, మీకు అలోవెరా జెల్, నీరు, నిమ్మరసం అవసరం. ఇది డస్ట్ అలర్జీ నుండి ఉపశమనాన్ని అందిస్తుంది.
పుదీనా: పుదీనాలో మెంథాల్ ఉంటుంది. ఇది శ్వాసకోశ సమస్యల నుండి ఉపశమనం పొందడంలో సహాయపడుతుంది. పుదీనా తీసుకోవడం వల్ల డస్ట్ అలర్జీలను దూరం చేస్తుంది.
మరిన్ని ఆరోగ్య సంబంధిత వార్తల కోసం ఇక్కడ క్లిక్ చేయండి
