Spearmint Benefits: పుదీనాతో జీర్ణక్రియ సమస్యలు పరార్!!

Mint Leaves Benefits

పుదీనా.. దీనిని Spearmint లేదా Mint Leave అని కూడా పిలుస్తారు. సాధారణంగా దీనిని బిర్యానీలో లేదా ఇతర మాంసాహార వంటకాల్లో ఎక్కువగా వాడుతారు. కానీ పల్లెటూళ్లలో చూస్తే ఇప్పటికీ ఈ ఆకుతో పచ్చడి చేసుకుని తింటారు. అలాగే ఇప్పుడు సలాడ్స్, డెజర్ట్స్ లోనూ దీనిని వాడుతున్నారు. ఇంత ప్రాచుర్యం పొందిన పుదీనాలో ఎన్ని పోషకాలున్నాయో, ఏమేమి ఆరోగ్య ప్రయోజనాలున్నాయో తెలుసుకుందాం. పుదీనాని ఇది ముఖ్యంగా జీర్ణక్రియ సంబంధిత సమస్యలపై అద్భుతమైన ఔషధంగా పనిచేస్తుంది.

*100 గ్రాముల పుదీనా ఆకుల్లో 70 క్యాలరీలు ఉంటాయి. సోడియం 31 మిల్లీగ్రాములు, పొటాషియం – 569 మిల్లీగ్రాములు, కార్బోహైడ్రేట్లు 15 గ్రాములు, డైటరీ ఫైబర్లు – 8 గ్రాములు, ప్రొటీన్లు -3.8 గ్రా ఉంటాయి.

*అంతేకాదు.. విటమిన్ A, విటమిన్ C, విటమిన్ B6, ఐరన్ లతో పాటు.. కాల్షియం, మెగ్నీషియం, మాంగనీస్, ఫోలేట్ కూడా లభిస్తాయి.

*కంటిచూపు మెరుగ్గా ఉండేందుకు కావలసిన విటమిన్ C పుదీనాలో పుష్కలంగా ఉంటుంది.

*పుదీనా ఆకుల్లో ఉండే మెంథాల్ అనే పదార్థం మిశ్రమం ఇరిటేబుల్ బౌల్ సిండ్రోమ్ (ఐబీఎస్) నుంచి ఉపశమనాన్ని ఇస్తుంది. ఐబీఎస్ అనే సమస్య ఉన్నవారికి కడుపునొప్పి, ఉబ్బరం, గ్యాస్, అకస్మాత్తుగా విరేచనం అవ్వడం వంటి లక్షణాలు కనిపిస్తాయి.

*నోటి దుర్వాసనను తగ్గించడంలో పుదీనా బాగా పనిచేస్తుంది. రోజూ ఉదయాన్నే నాలుగైదు పుదీనా ఆకులను నమలడం ద్వారా నోటి దుర్వాసనను పోగొట్టుకోవచ్చు.

*ఇందులో ఉండే కెరోటిన్, యాంటీ ఆక్సిడెంట్లు జుట్టు రాలే సమస్యను తగ్గించడంతో పాటు చుండ్రును కూడా నివారిస్తుంది.

మరిన్ని హెల్త్ వార్తల కోసం ఇక్కడ క్లిక్ చేయండి