Copper Vs Glass: ఏ పాత్రలో నీళ్లు తాగితే మంచిది..? వైద్య నిపుణులు ఏం చెబుతున్నారు..?

రాగి పాత్రలో ఉంచిన నీరు ఆరోగ్యానికి చాలా మంచిది. ఇది జీర్ణవ్యవస్థను బాగా పని చేసేలా చేస్తుంది. కడుపులో ఉండే సమస్యలు తగ్గుతాయి. పేగులు శుభ్రంగా మారుతాయి. రాగి నీరు తాగడం వల్ల మూలవ్యాధి, అపెండిక్స్ వంటి సమస్యల నుంచి రక్షణ లభిస్తుంది అని నిపుణులు చెబుతున్నారు. ఇది రోగనిరోధక శక్తిని కూడా మెరుగుపరుస్తుంది.

రాగి, వెండి, కాంస్య, ఇత్తడి వంటి సహజ పదార్థాలతో తయారైన పాత్రలలో నీరు ఉంచితే శరీరానికి మేలు చేస్తుంది. ఈ లోహాలు నీటిలో ఉపయోగకరమైన లక్షణాలను కలుపుతాయి. ఇవి జలానికి శక్తిని ఇస్తాయి. అయితే ప్లాస్టిక్ లేదా ఐరన్ తో తయారైన పాత్రలలో నీరు తాగితే కొన్ని సందర్భాలలో ఆరోగ్యంపై దుష్ప్రభావాలు ఉండొచ్చు అని నిపుణులు చెబుతున్నారు.

గాజు పదార్థం భారతదేశానికి పోర్చుగీసుల ద్వారా పరిచయం అయ్యింది. గాజు బాటిళ్లు నేరుగా, సరళంగా ఉంటాయి. ఇవి నూనె, నీరు, పాలు వంటి వాటికి వాడతారు. కానీ గాజు పదార్థానికి శరీరానికి అవసరమైన శక్తి ఇచ్చే అవకాశం ఉండదని ఆయుర్వేద నిపుణులు అంటున్నారు. అదే గుండ్రంగా ఉండే కుండలు మంచి శక్తిని అందిస్తాయని విశ్వసిస్తారు.

గుండ్రంగా ఉండే పాత్రల్లో నీటిపై ఒక ప్రత్యేక ప్రభావం చూపుతుంది. ఇది నీటికి ఒక రకమైన సానుకూల శక్తిని కలిగిస్తుంది. ఆయుర్వేదం ప్రకారం గుండ్రని ఆకారం శరీరంలో శక్తిని సమతుల్యంగా ఉంచుతుంది. దీని వలన నీరు శరీరంలో మంచి స్థాయిలో చేరి లోపలి అవయవాలకు మేలు చేస్తుంది. ఇది శాస్త్రపరంగా కూడా పరిశీలించబడిన విషయం.

నీరు సహజంగా ఎలాంటి ప్రత్యేక గుణాలు లేకుండా ఉండొచ్చు. కానీ అది ఉంచిన పాత్ర ప్రభావాన్ని తీసుకుంటుంది. గుండ్రని రాగి పాత్రలో నీరు ఉంచితే ఉపరితల ఉద్రిక్తత తగ్గుతుంది. ఈ నీరు తాగితే శరీరానికి తేలికగా ఉండి త్వరగా శోషణ జరుగుతుంది. ఇది ఆరోగ్యానికి మేలు చేస్తుంది.

నిపుణుల అభిప్రాయం ప్రకారం.. ప్రతి రోజు రాగి పాత్రలో నీరు ఉంచి తాగడం చాలా మంచిది. ఇది పాతకాలం నుంచే వాడుతున్న పద్ధతి. దీని వల్ల శరీరానికి ఎలాంటి హాని లేకుండా ఆరోగ్యం మెరుగవుతుంది. గాజు పాత్రల వాడకాన్ని తగ్గించి.. రాగి గిన్నెలు ప్రోత్సహించాలి అని నిపుణులు సూచిస్తున్నారు.

మనకు సాధారణంగా కనిపించే గాజు బాటిల్ కన్నా, రాగి పాత్రలో ఉంచిన నీరు శరీరానికి ఎక్కువ మేలు చేస్తుంది. అలాంటి మంచి అలవాట్లను అలవర్చుకుంటే ఆరోగ్యంగా ఉండొచ్చు.