Ayurvedic Remedy: నిద్ర పట్టడం లేదా? కీళ్లు నొప్పులుగా ఉన్నాయా? అయితే మీరు తాగాల్సింది ఈ స్పెషల్ టీ!
ఉరుకుల పరుగుల జీవితంలో రక్తపోటు, అధిక బరువు, కీళ్ల నొప్పులు నిద్రలేమి వంటి సమస్యలు ప్రతి ఒక్కరినీ వేధిస్తున్నాయి. వీటన్నింటికీ మందుల షాపుల చుట్టూ తిరగాల్సిన అవసరం లేకుండా, మన ఆయుర్వేదంలో అద్భుతమైన పరిష్కారం ఉంది. అదే అశ్వగంధ. దీనిని 'ఇండియన్ జిన్సెంగ్' అని కూడా పిలుస్తారు. శరీరానికి గుర్రపు వేగాన్ని, శక్తిని ఇచ్చే గుణం దీనికి ఉండటం వల్లే దీనికి ఆ పేరు వచ్చింది. అశ్వగంధను టీ రూపంలో తీసుకోవడం వల్ల కలిగే లాభాలను ఆయుర్వేద నిపుణులు వివరిస్తున్నారు.
అశ్వగంధ కేవలం ఒక మూలిక మాత్రమే కాదు, అది శరీరంలోని హార్మోన్లను క్రమబద్ధీకరించే ఒక శక్తివంతమైన ఔషధం. ఒత్తిడిని తగ్గించే కార్టిసాల్ నియంత్రణ నుండి, పురుషుల్లో టెస్టోస్టెరాన్ స్థాయిలను పెంచడం వరకు ఇది ఎంతో మేలు చేస్తుంది. దాల్చిన చెక్క, అల్లం, యాలకులు కలిపి తయారు చేసే ఈ టీ రుచిలోనే కాదు, ఆరోగ్య ప్రయోజనాల్లోనూ సాటిలేనిది. ఈ అద్భుత టీ తయారీ విధానం దాని వల్ల కలిగే షాకింగ్ హెల్త్ బెనిఫిట్స్ గురించి ఇప్పుడు వివరంగా తెలుసుకుందాం.
అశ్వగంధ టీ వల్ల కలిగే అద్భుత ప్రయోజనాలు:
రోగనిరోధక శక్తి : చలికాలంలో మారుతున్న సీజన్లలో వచ్చే జలుబు, దగ్గు, జ్వరం వంటి సమస్యలను ఎదుర్కోవడానికి ఇది శరీరానికి అవసరమైన బలాన్ని ఇస్తుంది.
ఒత్తిడి ఆందోళన: శరీరంలో ఒత్తిడిని కలిగించే ‘కార్టిసాల్’ హార్మోన్ను ఇది అదుపులో ఉంచుతుంది. దీనివల్ల మానసిక ప్రశాంతత చేకూరి, ఆందోళన తగ్గుతుంది.
బరువు నియంత్రణ: అశ్వగంధ టీ శరీర మెటబాలిజంను (జీవక్రియ) వేగవంతం చేస్తుంది. దీనివల్ల కొవ్వు నిల్వలు కరిగి, బరువు తగ్గడం సులభమవుతుంది.
కీళ్ల నొప్పులు: ఇందులోని ‘యాంటీ ఇన్ఫ్లమేటరీ’ గుణాలు ఆర్థరైటిస్ మరియు కీళ్ల నొప్పుల నుండి ఉపశమనం కలిగిస్తాయి. కీళ్లలో దృఢత్వాన్ని తగ్గించి నడకను సులభతరం చేస్తుంది.
మంచి నిద్ర: నిద్రలేమి సమస్యతో బాధపడేవారు ఈ టీని క్రమం తప్పకుండా తీసుకుంటే నిద్ర నాణ్యత మెరుగుపడుతుంది.
అశ్వగంధ టీ తయారీకి కావలసినవి:
అశ్వగంధ పొడి (అర చెంచా), దాల్చిన చెక్క పొడి, అల్లం తురుము, యాలకులు, తులసి ఆకులు రుచికి తగినంత బెల్లం.
గమనిక: ఇది కేవలం సమాచారం మాత్రమే. సంస్థ దీనికి బాధ్యత వహించదు. అశ్వగంధ టీని ప్రారంభించే ముందు గర్భిణీలు లేదా ఇతర తీవ్రమైన అనారోగ్య సమస్యలు ఉన్నవారు ఖచ్చితంగా వైద్యుడిని సంప్రదించాలి.