Hing Water Benefits: ఇంగువ నీటితో ఎన్ని లాభాలో.. ఆరోగ్య ప్రయోజనాలు తెలిస్తే అస్సలు వదిలిపెట్టరు..

Shaik Madarsaheb

Shaik Madarsaheb |

Updated on: Aug 14, 2022 | 9:34 AM

ఇంగువలోని యాంటీ వైరల్, యాంటీ బ్యాక్టీరియల్, యాంటీ ఇన్ఫ్లమేటరీ గుణాలు జీర్ణక్రియకు సంబంధించిన సమస్యలను, రక్తపోటును తగ్గించడానికి ఉపయోగపడుతుంది.

Hing Water Benefits: ఇంగువ నీటితో ఎన్ని లాభాలో.. ఆరోగ్య ప్రయోజనాలు తెలిస్తే అస్సలు వదిలిపెట్టరు..
Hing Water Benefits

Hing Water Benefits : ఇంగువలో ఎన్నో ఔషధ గుణాలున్నాయి. ఇది మనల్ని ఆరోగ్యంగా ఉంచేందుకు బాగా సహాయపడుతుంది. స్వచ్చమైన ఇంగువను ఆయుర్వేద ఔషధాల తయారీలో ఉపయోగిస్తారు. ఇంగువలోని యాంటీ వైరల్, యాంటీ బ్యాక్టీరియల్, యాంటీ ఇన్ఫ్లమేటరీ గుణాలు జీర్ణక్రియకు సంబంధించిన సమస్యలను, రక్తపోటును తగ్గించడానికి ఉపయోగపడుతుంది. అంతేకాకుండా బరువు తగ్గేందుకు కూడా ఉపయోగపడుతుంది. ఇలాంటి పరిస్థితుల్లో ఇంగువ నీటిని తాగితే.. పలు సమస్యలన్నీ దూరమవుతాయని నిపుణులు పేర్కొంటున్నారు. ఇంగువ వాటర్ వల్ల శరీరానికి ఎలాంటి ప్రయోజనాలు లభిస్తాయో ఇప్పుడు తెలుసుకుందాం..

ఇంగువ నీరు తాగడం వల్ల కలిగే ప్రయోజనాలు..

జీర్ణక్రియకు ప్రయోజనకరం..

జీర్ణక్రియకు సంబంధించిన ఎలాంటి సమస్యలనైనా అధిగమించడానికి ఇంగువ నీరు ఆరోగ్యకరంగా ఉంటుంది. పరిశోధన ప్రకారం.. ఇంగువ జీర్ణ ఉద్దీపన ప్రభావాన్ని కలిగి ఉంటుంది. లాలాజల స్రావం, ఎంజైమ్ లాలాజల అమైలేస్ కార్యాచరణను పెంచుతుంది. ఇది శరీరంలో పిత్త ప్రవాహాన్ని ప్రేరేపించడం ద్వారా డైటరీ లిపిడ్ల జీర్ణక్రియలో సహాయపడుతుంది.

జీవక్రియను మెరుగుపరుస్తుంది..

ఇంగువ నీటిని తాగడం ద్వారా జీవక్రియ మెరుగుపడుతుంది. ఇంగువలోని లక్షణాలు జీవక్రియను మెరుగుపరుస్తాయి. జీవక్రియను పెంచడానికి, గోరువెచ్చని నీటితో ఇంగువను తీసుకోండి. ఇది ఆరోగ్యానికి చాలా ప్రయోజనం చేకూరుస్తుంది.

బరువు తగ్గడంలో ప్రభావవంతంగా ఉంటుంది..

ఇంగువ నీటిని క్రమం తప్పకుండా తాగడం వల్ల బరువు తగ్గడంలో ప్రభావవంతంగా ఉంటుంది. ఇంగువలో స్థూలకాయాన్ని నిరోధించే లక్షణాలు ఉన్నాయి. ఇది కాకుండా ఇంగువ కొవ్వును తగ్గించే ప్రభావాన్ని కలిగి ఉంటుంది. దీని సహాయంతో శరీరంలో పెరుగుతున్న బరువును నియంత్రించవచ్చు.

రక్తంలో చక్కెరను నియంత్రిస్తుంది..

ఇంగువ నీరు రక్తంలో చక్కెరను నియంత్రించడంలో సహాయపడుతుంది. ఇంగువ నీరు రక్తంలో చక్కెరను తగ్గిస్తుంది. ఇది హైపోగ్లైసీమిక్ ప్రభావాన్ని కలిగి ఉండి.. మధుమేహ వ్యాధిగ్రస్తులకు ప్రయోజనం చేకూరుస్తుంది.

మరిన్ని హెల్త్ టిప్స్ కోసం క్లిక్ చేయండి..

లేటెస్ట్ న్యూస్ హైలెట్స్ చూడండి

Follow us on

Related Stories

Most Read Stories

Click on your DTH Provider to Add TV9 Telugu