‘సింధుబాద్’ వచ్చేస్తున్నాడు.!

తమిళంలో వైవిధ్యమైన పాత్రలు చేస్తూ దూసుకుపోతున్న హీరో విజయ్ సేతుపతి. ఈయన తమిళంలోనే కాకుండా తెలుగు, మలయాళం భాషల్లో కూడా పలు చిత్రాల్లో నటిస్తూ బిజీగా ఉన్నాడు. ఇకపోతే తమిళంలో విజయ్ సేతుపతి హీరోగా తెరకెక్కిన తాజాగా చిత్రం ‘సింధుబాద్’. ఈ సినిమాకు ఎస్.యు.అరుణ్ కుమార్ దర్శకుడు. గతంలో ఈ సినిమా విడుదలకు కొన్ని ఆటంకాలు వచ్చిన సంగతి తెలిసిందే.

అయితే తాజాగా ఈ చిత్రం పోస్ట్ ప్రొడక్షన్ వర్క్ ను పూర్తి చేసుకుని.. ఈనెల 21న ప్రపంచవ్యాప్తంగా విడుదల కానున్నట్లు హీరో విజయ్ సేతుపతి తన ట్విట్టర్ ద్వారా ప్రకటించాడు. యువన్ శంకర్ రాజా సంగీతం అందిస్తున్న ఈ చిత్రాన్ని క్లాప్ బోర్డు ప్రొడక్షన్స్, కె ప్రొడక్షన్స్ కలిసి సంయుక్తంగా నిర్మిస్తున్నారు.

మరోవైపు సేతుపతి.. తెలుగులో ‘సైరా’, ‘ఉప్పెన’ సినిమాల్లో నటిస్తున్నారు. అటు తమిళంలో కూడా ‘రణసింగం’ అనే సినిమాను కూడా మొదలు పెట్టాడు.