Zombie Reddy:సీక్వెల్ కు సిద్దమవుతున్న జాంబీరెడ్డి మూవీ.. స్క్రిప్ట్ కూడా సిద్దమందట..

ఈ ఏడాది విడుదలైన సినిమాల్లో మంచి విజయం సాధించిన సినిమా జాంబీ రెడ్డి. డిఫరెంట్ కాన్సెప్ట్ తో తెరకెక్కిన ఈ సినిమా మంచి విజయాన్ని సొంతం చేసుకుంది.

Rajeev Rayala |
Updated on: May 27, 2021 | 9:58 PM

Zombie Reddy : ఈ ఏడాది విడుదలైన సినిమాల్లో మంచి విజయం సాధించిన సినిమా జాంబీ రెడ్డి. డిఫరెంట్ కాన్సెప్ట్ తో తెరకెక్కిన ఈ సినిమా మంచి విజయాన్ని సొంతం చేసుకుంది. ప్రశాంత్ వర్మ దర్శకత్వంలో తెరకెక్కిన ఈ సినిమా సూపర్ హిట్ టాక్ ను సొంతం చేసుకుంది. చాలా సినిమాల్లో చైల్డ్ ఆర్టిస్ట్ గా నటించిన గుర్తింపు తెచ్చుకున్న తేజ సజ్జ హీరోగా నటించిన మొదటి సినిమా ఇది. ‘అ!’ అనే డిఫరెంట్ సినిమాతో ఇండస్ట్రీలో అడుగు పెట్టాడు డైరెక్టర్ ప్రశాంత్ వర్మ. ఈ సినిమాకు నేచురల్ స్టార్ నాని నిర్మాతగా వ్యవహరించాడు. విభిన్నమైన కథ తో తెరకెక్కిన ఈ సినిమా ప్రేక్షకులను మెప్పించింది. ఆ తర్వాత యాంగ్రీ మ్యాన్ రాజశేఖర్ తో ‘కల్కి’ అనే సినిమా తెరకెక్కించాడు. ఈ సినిమాకూడా ప్రేక్షకులను మెప్పించింది. ప్రశాంత్ మూడో మూవీగా ‘జాంబీరెడ్డి’ని రూపొందించాడు. ఈ సినిమా ఇండియాలోనే ఫస్ట్ జాంబిస్ మూవీ కావడం విశేషం.

ఫుల్ ఫన్ తో పాటు థ్రిల్లర్ అంశాలతో తెరకెక్కించాడు ప్రశాంత్. అయితే ఈ సినిమాకు త్వరలో సీక్వెల్ తెరకెక్కబోతుంది తెలుస్తుంది. నిజానికి సినిమా సక్సెస్ అయితే సీక్వెల్ తెరకెక్కిస్తానని ముందే చెప్పాడు ప్రశాంత్. ఇప్పుడు ‘జాంబీరెడ్డి’ కి సీక్వెల్ తెరకెక్కించేందుకు ప్రయత్నాలు చేస్తున్నారని తెలుస్తుంది. ఇప్పటికే సినిమా కోసం సీక్వెల్ స్క్రిప్ట్ రెడీ చేస్తున్నట్లు సమాచారం. త్వరలో ఈ సినిమా పట్టాలెక్కే అవకాశం ఉంది. అయితే జాంబీరెడ్డి సినిమాలో నటించిన నటీనటులే ఈ సీక్వెల్ లోను నటిస్తారా అన్నది తెలియాల్సి ఉంది. ఇక ఈ సినిమాకు సంబంధించిన మరిన్ని విషయాలు త్వరలోనే వెల్లడించనున్నారని ఫిలింనగర్ టాక్.

మరిన్ని ఇక్కడ చదవండి :