Nagarjuna: బంగార్రాజులో నాగ్తో నటించేది చైతన్య కాదా..? ఆ ఛాన్స్ కొట్టేసే లక్కీ హీరో ఎవరో..?
Young Hero In Nag Movie: అక్కినేని నాగార్జున హీరోగా వచ్చిన సొగ్గాడే చిన్నినాయన సినిమా ఎంతటి విజయాన్ని సాధించిందో ప్రత్యేకంగా చెప్పాల్సిన పనిలేదు. ఈ సినిమాలో డ్యూయల్రోల్లో నటించిన నాగ్ కామెడీతో పాటు..
Young Hero In Nag Movie: అక్కినేని నాగార్జున హీరోగా వచ్చిన సొగ్గాడే చిన్నినాయన సినిమా ఎంతటి విజయాన్ని సాధించిందో ప్రత్యేకంగా చెప్పాల్సిన పనిలేదు. ఈ సినిమాలో డ్యూయల్రోల్లో నటించిన నాగ్ కామెడీతో పాటు యాక్షన్ సన్నివేశాల్లో నటించి ఆకట్టుకున్నాడు. ఇక ఈ సినిమా మంచి విజయాన్ని అందుకోవడంతో సీక్వెల్ తెరకెక్కించే పనిలో పడింది చిత్ర యూనిట్. ఫిబ్రవరి రెండో వారంలో ఈ సినిమా షూటింగ్ మొదలుపెట్టడానికి చిత్ర యూనిట్ సన్నాహాలు చేస్తున్నట్లు వార్తలు వచ్చాయి. అంతేకాకుండా ఇందులో నాగార్జున, రమ్యకృష్ణలతో పాటు మరో యంగ్ హీరో పాత్రలో నాగచైతన్య నటించనున్నాడని వార్తలు చక్కర్లు కొట్టాయి. అయితే తాజాగా సమాచారం ప్రకారం.. ఈ సినిమాలో నాగచైతన్య నటించట్లేదని తెలుస్తోంది. చై.. ఇతర సినిమాలతో బిజీగా ఉండడంతో ఈ సినిమాలో నటించట్లేదని టాక్. దీంతో చిత్ర దర్శకుడు మరో యంగ్ హీరో కోసం అన్వేషణ మొదలు పెట్టినట్లు సమాచారం. మరి ఆ లక్కీ ఛాన్స్ కొట్టేసే ఆ యంగ్ హీరో ఎవరో తెలియాలంటే మరికొన్ని రోజులు వేచిచూడాల్సిందే.
Also Read: నిర్మాతలకు వార్నింగ్ ఇచ్చిన తెలంగాణ థియేటర్స్ యజమానులు.. థియేటర్లు మూసివేస్తామంటూ..