DJ Tillu 2: డీజే టిల్లు సీక్వెల్లో ఆ యంగ్ బ్యూటీ.. క్రేజీ ఆఫర్ పట్టేసిన కుర్రది
చిన్న సినిమాగా వచ్చి మంచి హిట్ అందుకున్న సినిమాల లిస్ట్ లో ఫస్ట్ ప్లేస్ లో ఉంది డీజే టిల్లు. యంగ్ హీరో సిద్దు జొన్నలగడ్డ హీరోగా నటించిన ఈ సినిమా మంచి విజయాన్ని అందుకుంది.
Updated on: Aug 19, 2022 | 7:43 PM
చిన్న సినిమాగా వచ్చి మంచి హిట్ అందుకున్న సినిమాల లిస్ట్ లో ఫస్ట్ ప్లేస్ లో ఉంది డీజే టిల్లు(DJ Tillu). యంగ్ హీరో సిద్దు జొన్నలగడ్డ హీరోగా నటించిన ఈ సినిమా మంచి విజయాన్ని అందుకుంది. కామెడి ఎంటర్టైనర్ గా తెరకెక్కిన ఈ సినిమా ప్రేక్షకులను విపరీతంగా ఆకట్టుకుంది. సిద్దు కామెడీ టైమింగ్, కథ సినిమాను మంచి హిట్ గా నిలిపాయి. ఇక ఇప్పుడు ఈ సినిమాకు సీక్వెల్ రానుందని తెలుస్తోంది. డీజే టిల్లు సినిమా హిట్ టాక్ తెచ్చుకున్న వెంటనే ఈ సినిమాకు సీక్వెల్ ఉంటుందని అనౌన్స్ చేశారు మేకర్స్. ఇక ఇప్పుడు సీక్వెల్ కోసం కసరత్తులు జరుగుతున్నాయి. ఈ సినిమాలో రాధికగా నటించిన నేహా శేట్టినే నటిస్తుందా లేక మరో హీరోయిన్ ఎంట్రీ ఇస్తుందా అన్నది ఇప్పుడు అందరిలో మెదులుతోన్న ప్రశ్న.
అయితే ఈ సీక్వెల్ లో హీరోయిన్ చేంజ్ అవుతుందని గతకొదిరోజులుగా వార్తలు వినిపిస్తున్నాయి. నిన్నటివరకు ఈ సినిమాలో హీరోయిన్ గా మలయాళ ముద్దుగుమ్మ అనుపమ పరమేశ్వరన్ నటిస్తుందని టాక్ వినిపించింది. ప్రస్తుతం తెలుగులో మంచి ఫామ్ లో ఉన్న అనుపమ దాదాపు ఖరారు అయినట్టే అని టాక్ వినిపించింది. అయితే ఇప్పుడు మరో భామ పేరు ఫిలిం సర్కిల్స్ లో చక్కర్లు కొడుతోంది. డీజే టిల్లు సీక్వెల్ లో హీరోయిన్ గా శ్రీలీల ను అనుకుంటున్నారట. ఈ బ్యూటీ పెళ్లిసందడి సినిమాతో తెలుగు ప్రేక్షకులకు పరిచయం అయ్యింది. అంతకు ముందు ఈ భామ కన్నడలో సినిమాలు చేసింది. ప్రస్తుతం మాస్ రాజా రవితేజ సరసన ధమాకా సినిమాలో చేస్తోంది శ్రీలీల. మరి ఈ చిన్నది డీజే టిల్లు సీక్వెల్ లో ఫిక్స్ అయ్యిందో లేదో తెలియాలంటే మరికొద్దిరోజుల్లో ఆగాల్సిందే.
మరిన్ని సినిమా వార్తల కోసం ఇక్కడ క్లిక్ చేయండి
