Thalapathy Vijay: హీరోగా ఎంట్రీ ఇవ్వనున్న దళపతి తనయుడు.. హీరోయిన్ ఎవరంటే

Vijay Son Sanjay

దళపతి విజయ్ గురించి ఆయన ఫ్యాన్ ఫాలోయింగ్ గురించి ప్రత్యేకంగా చెప్పాల్సిన అవసరం లేదు. తమిళ్ లో స్టార్ హీరోగా కొనసాగుతోన్న విజయ్కు తెలుగులోనూ మంచి ఫాలోయింగ్ ఉంది. దళపతి సినిమాలు తెలుగులోనూ డబ్ అయ్యి మంచి విజయాలను అందుకుంటుంటాయి. తుపాకీ సినిమానుంచి వరుస విజయాలను అందుకుంటున్నారు విజయ్. విజయ్ సినిమాలు 100 కోట్ల మార్క్ ను అవలీలగా అందుకుంటుంటాయి. ఇప్పుడు ఆయన సినిమాలకు ఉన్న క్రేజ్ తో ఫస్ట్ డే నే రికార్డు స్థాయిలో కలెక్షన్స్ ను సొంతం చేసుకుంటుంటాయి విజయ్ సినిమాలు. ఇక ఇప్పుడు విజయ్ సినిమాలతో పాటు రాజకీయాల్లోనూ రాణించాలని చూస్తున్నాడు. ఓ వైపు సినిమాలకు గుడ్ బై చెప్పి రాజకీయాల్లో బిజీ కావాలని చూస్తున్నాడని అంటున్నారు.

ఇదిలా ఉంటే ఇప్పుడు విజయ్ తనయుడు సినీ రంగంలోకి ఎంట్రీ ఇవ్వనున్నాడని తెలుస్తోంది. విజయ్ కొడుకు సంజయ్‌ హీరోగా ఎంట్రీ ఇవ్వనున్నాడు. విజయ్ కు జోడీగా ఓ స్టార్ హీరోయిన్  కూతురు నటించనుందని టాక్ వినిపిస్తోంది. ఆమె మరెవరో కాదు స్టార్ హీరోయిన్ గా రాణించిన దేవయాని కూతురు ఇనియకుమార్‌.

సంజయ్,  ఇనియకుమార్‌ జోడీగా సినిమా తెరకెక్కించాలని చూస్తున్నాం అని  దేవయాని భర్త రాజకుమార్‌ తెలిపారు. మా కూతురు ఇనియకుమార్‌ కు సినిమాల్లో నటించాలని ఆశ ఉంది. విజయ్ తనయుడు సంజయ్ కు జోడీగా ఆమెను లాంచ్ చేయాలని చూస్తున్నాం అని తెలిపారు రాజ్ కుమార్.Iniya Kumaran